• Latest news

Որքա՞ն հաճախ է պետք փոխել բարձը

22 հուլիսի, 2022  20:23

Բարձերը պարբերաբար փոխելը ոչ միայն կանխում է ալերգենների կուտակումը, այլեւ  բարելավում է քնի որակը, գրում է «ՄեդիկՖորում»-ը:

Ոսկե կանոն է՝ փոխել բարձերը երկու տարին մեկ անգամ։ Դուք կհասկանաք, որ փոխելու ժամանակն է, երբ բարձերն այլեւս բավարար չափով չի պահում ձեր պարանոցը եւ գլուխը:

Հաճախակի լվացումը կարող է երկարացնել դրանց կյանքը, բայց՝ ժամանակավոր: Երկու տարուց ավելի բարձեր պահելը կարող է ազդել ձեր առողջության վրա եւ քնի խանգարումներ առաջացնել:

Բարձերը կլանում են քրտինքը, մազերը, թուքը, մաշկային ճարպը եւ մաշկի մահացած բջիջները։ Նույնիսկ եթե բարձի երես ունեք, այն կարող է բավարար պաշտպանություն չապահովել: Այդ բոլոր արտադրությունները կարող են բորբոս եւ ալերգենների կուտակումներ առաջացնել: Լվանալով բարձերը եւ բարձի երեսները՝ կարող եք ազատվել հոտերից, բայց՝ ոչ միշտ ալերգեններից:

Փոշու տիզերը վտանգավոր չեն, բայց դրանք կարող են արցունքաբերություն, կոկորդում քոր, քթահոսություն, փռշտոց, քթի փակվածություն առաջացնել եւ շնչառության հետ կապված դժվարություն՝ ալերգիայի հակված մարդկանց մոտ: Ժամանակի ընթացքում այս ախտանիշները կարող են վատթարանալ՝ քնի որակի նվազման հանգեցնելով: Բացի փոշու տիզերից, ձեր բարձերը կարող են բազմաթիվ այլ միկրոօրգանիզմներ ունենալ: Բարձերը պարբերաբար փոխելը կկանխի ալերգենների կուտակումը:

Ներքնակի հետ միասին բարձերը պետք է չեզոք դիրքում պահեն ողնաշարը։ Լավ բարձն ապահովում է, որպեսզի գլուխը եւ պարանոցը ողնաշարի հետ մի գծի վրա լինեն: 

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է