• Latest news

Ինչու՞ է ամառը վտանգավոր հղիների համար

4 օգոստոսի, 2022  17:49

Ամառվա շոգին հղի կանանց մոտ վիժման ռիսկը մեծանում է: Այս մասին նախազգուշացնում է The Sun-ը՝ վկայակոչելով Բոստոնի համալսարանի հանրային առողջության դպրոցի գիտնականներին, ովքեր նոր հետազոտության մեջ նշել են, թե որն է հղիության համար ամենավտանգավոր ամիսը:

Հետազոտության հեղինակ Ամելիա Վեսելինկը եւ նրա գործընկերներն ուսումնասիրել են վիժումների եւ սեզոնային տատանումների միջեւ կապը: Դա անելու համար նրանք օգտագործել են Pregnancy Study Online-ի տվյալները՝ Միացյալ Նահանգների եւ Կանադայի գիտնականների համատեղ հետազոտությունը, որին կարող է մասնակցել ցանկացած կին, ով հղիություն է պլանավորում: Գրանցված կանայք հայտնել են՝ արդյոք իրենց հաջողվել է հղիանալ, արդյոք իրենք վիժել են, եւ եթե այո, ապա՝ որ ժամկետին, եւ երբ են կարողացել ծննդաբերել:

Հղիության մասին հայտնել է 6104 կին, նրանցից 20 տոկոսը վիժել է։ Ինչպես պարզվել է, ամենից հաճախ վիժումները տեղի են ունեցել օգոստոսին, հատկապես՝ վաղ փուլերում (մինչեւ 8 շաբաթական հղիություն):

Հետազոտության հեղինակի խոսքով՝ շոգն ազդում է ոչ միայն վիժումների քանակի վրա, այլեւ վաղաժամ ծննդի, երեխայի ցածր քաշի եւ նույնիսկ ծննդաբերման ժամանակ երեխայի մահվան է հանգեցնում։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է