• Latest news

Ինչպե՞ս ժամանակին ախտորոշել արգանդի քաղցկեղը

6 օգոստոսի, 2022  21:45

Արգանդի վզիկի եւ արգանդի մարմնի քաղցկեղը վաղ փուլում հայտնաբերելու միակ միջոցը կանոնավոր հետազոտություններն են։ Նման կարծիք է հայտնել գինեկոլոգ-էնդոկրինոլոգ, Օլգա Կապլինան (Ռուսաստան):

Նրա խոսքով` արգանդի վզիկի քաղցկեղից մահացությունը վերջին 10 տարում աճել է մեկուկես անգամ, վտանգավոր հիվանդության յուրաքանչյուր երրորդ դեպքը ուշ է ախտորոշվում III-IV փուլերում, քանի որ արգանդի վզիկի քաղցկեղը գործնականում չի ուղեկցվում ախտանիշներով, ինչը դժվարացնում է ախտորոշումը։

«Ինչ վերաբերում է արգանդի մարմնի քաղցկեղին, ապա հիվանդների 72 տոկոսի մոտ այն ախտորոշվում է հիվանդության առաջին փուլում։ Եթե ​​դաշտանային ցիկլը խախտվում է կամ հեշտոցային արյունահոսություն է առաջանում դաշտանադադարի ժամանակ (սրանք արգանդի քաղցկեղին բնորոշ ախտանիշներ են), պետք է անմիջապես բժշկի դիմել»,-ասել է մասնագետը։ 

Կանոնավոր հետազոտությունները կարող են օգնել կանխարգելել քաղցկեղը եւ ախտորոշել այն վաղ փուլում: Մասնագետի խոսքով՝  երկու տարին մեկ անհրաժեշտ է կատարել PAP թեստ (քսուք ցիտոլոգիայի համար) եւ հինգ տարին մեկ անգամ ՄՊՎ թեստ (ստուգել մարդու պապիլոմավիրուսի օնկոգեն շտամների առկայությունը)։   

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ