Սրտաբան, թերապեւտ, սննդաբան, բժշկության գիտությունների թեկնածու Տատյանա Ֆեոֆանովան «Аргументы и факты»-ի հետ զրույցում մի քանի խորհուրդ է տվել այն մասին, թե ինչպես ավելի երկար պահպանել երիտասարդությունը եւ գրավիչ տեսքը:
40 տարեկանից հետո խորհուրդ է տրվում մի փոքր նվազեցնել սննդակարգի կալորիականությունը՝ չգիրանալու համար, քանի որ ավելորդ քաշը ռիսկի գործոն է առաջին հերթին սրտանոթային հիվանդությունների համար: Սակայն չափազանց ցածր կալորիականությամբ դիետաները (1000-1200 կկալ) նույնպես օգտակար չեն։ Միջին հաշվով, նորման մոտավորապես 1800 կկալ է:
Հետեւեք, որ սննդի յուրաքանչյուր հիմնական ընդունում (նախաճաշ, ճաշ, ընթրիք) ներառի սպիտակուցային ուտեստ, այդ դեպքում մկանային զանգվածի կորուստ չի լինի: Սննդակարգում ներառեք ճիշտ ճարպեր: Դրանք, առաջին հերթին, բուսական յուղերն են։
Փորձեք սահմանափակել շաքարի քանակը, այդ թվում՝ թաքնված շաքարինը:
Վերահսկեք աղի քանակը։ Նորման օրական 5 գրամից ոչ ավելի է, ներառյալ բոլոր պատրաստի մթերքների մեջ պարունակվող աղը։ Ավելցուկը կարող է հանգեցնել արյան ճնշման բարձրացման, այտուցների, ջրի նյութափոխանակության խանգարումների: Խորհուրդ է տրվում սննդակարգում հնարավորինս սահմանափակել երշիկեղենի, ապխտած մսի, թթուների, կիսաֆաբրիկատների օգտագործումը։
Մի հրաժարվեք կաթնային եւ թթվակաթնային մթերքներից, եթե լակտոզայի մարսման խանգարում կամ կովի կաթի սպիտակուցի հանդեպ ալերգիկ ռեակցիաներ չկան:
Ձուկ կերեք շաբաթական առնվազն 2 անգամ։ Բացի սպիտակուցից, ձուկը պարունակում է առողջ օմեգա-3 հագեցած ճարպաթթուներ:
Սովորություն դարձրեք օրական առնվազն 500 գրամ բանջարեղեն, մրգեր եւ հատապտուղներ ուտելը։
Օգտակար է սննդակարգում հակաօքսիդանտների ներառումը: Օրինակ՝ սպիտակ թեյ, բանջարեղեն եւ մրգեր պարունակող ցանկացած ըմպելիք։
Խմեք ոչ գազավորված ջուր։ Նորման օրական 1,5-2 լիտր է: Ավելին կարող է հանգեցնել արյան բարձր ճնշման եւ երիկամների ծանրաբեռնվածության:
Նվազագույնի հասցրեք տապակելը ցածր ծխի կետ ունեցող յուղերում, ինչպիսին են կարագը, ռապսի, կտավատի յուղերը: Ավելի լավ է մթերքները նախնապես շոգեխաշելուց հետո ջեռոցը դնել։
Ընտրեք ձեզ համար հարմար ֆիզիկական ակտիվություն՝ շաբաթական 200-300 րոպե միջին ակտիվությամբ կամ 150 րոպե բարձր ինտենսիվությամբ վարժություններով: Բայց այստեղ անհրաժեշտ է հաշվի առնել ծանրաբեռնվածությանը դիմանալը։
Փորձեք մինչ եւ ժամը 12-ը պառկել քնելու: Խուսափեք ուշ ընթրիքներից։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր