• Latest news

Թույլ հիպերտենզիան պետք է կենսակերպի փոփոխությամբ, եւ ոչ՝ դեղամիջոցներո՞վ բուժել

16 սեպտեմբերի, 2014  11:31

2013թ.-ին ընդհանուր պրակտիկայի բժիշկ դոկտոր Իոնա Հիթերը հոդված էր հեղինակել՝ Journal of  the American Medical Association ամսագրում, որտեղ, մասնավորապես, թույլ հիպերտենզիայի դեղորայքային բուժման կողմնակի հետեւանքների մասին էր խոսվում: Վերջերս իրականացված հետազոտության արդյունքում գիտնականները հաստատումն են գտել հիշյալ գաղափարի, թե արյան ոչ նշանակալիորեն բարձր ճնշման դեպքում առաջարկվող դեղորայքային թերապիան հիվանդներին ավելի շատ վնաս հասցնելու հատկությամբ է աչքի ընկնում: Բացի այդ, փորձագետներն այն եզրահանգման են եկել, որ հիպերտենզիայի ախտորոշման չափանիշների վերանայման կարիք է զգացվում:

Հետազոտության՝ British Medical Journal ամսագրում հրապարակում գտած արդյունքները հիպերախտորոշման կանխարգելմանը միտված՝ սեպտեմբերի 15-ին մեկնարկած գիտաժողովի ուշադրությանն են ներկայացվելու: Միջոցառման մասնակիցները, Medical Daily-ի հաղորդմամբ, ավանդաբար ողջ աշխարհում իրականացվող անհարկի բուժման թերություններն են վեր հանում:

Ընդհանուր առմամբ, հիպերտենզիայի բուժումը հիմնական եւ երկրորդական կանխարգելման գաղափարների վրա է հենվում: Հիմնական կանխարգելումն այն պարագայում է նախընտրություն ստանում, երբ ակնկալվող օգուտները վնասներից գերակշիռ կարող են գտնվել, իսկ երկրորդականը՝ երբ հիվանդը ինֆարկտ կամ ինսուլտ է տարել: Սակայն արյան ճնշման ո՞ր մակարդակի պարագայում է պետք բուժում նշանակել: Ներկայումս ԱՄՆ բժիշկների համար առողջապահական ազգային հանձնախմբի ցուցումներն են հիմք հանդիսանում, մասնավորապես՝ առ այն, թե որ մակարդակից է սրտանոթային հիվանդությունների զարգացման ռիսկ առաջանում:

Աշխարհի բնակչության շուրջ 40 տոկոսը՝ ներառյալ ԱՄՆ 67 մլն բնակիչներ, հիպերտենզիային հատուկ ախտանշաններ են դրսեւորում: Այդուհանդերձ, հիշյալ մարդկանց շուրջ 50 տոկոսը թույլ հիպերտենզիա ունեն, որոնց կեսից ավելին, սրտանոթային հիվանդությունների եւ ինսուլտի առաջացումը կանխելու նպատակով, արյան ճնշման մակարդակը կարգավորող դեղամիջոցների օգնությանն է դիմում: Հետազոտության հեղինակները որեւէ վկայություն չեն գտել առ այն, թե հիշյալ դեղամիջոցները սրտի կաթվածի առաջացման ռիսկի նվազեցման են հանգեցնում: Մինչդեռ միայն ԱՄՆ-ում թերապիայի տարեկան արժեքը 32 մլրդ դոլարի է հասնում: Այնպես որ, ավանդական դեղորայքային բուժում ստանալու փոխարեն, փորձագետները խորհուրդ են տալիս կենսակերպի փոփոխություն նախաձեռնել՝ ֆիզիկական վարժություններ կատարել, հրաժարվել ծխելու սովորությունից եւ ալկոհոլի սպառման ծավալները նվազեցնել: Բացի այդ, բուժհաստատություններին արյան ճնշման մակարդակը չափող գործիքների ճշտությունը բարելավելու կոչ է արվում:

Հետևեք NEWS.am Medicine-ին Facebook-ում և Twitter-ում


 
  • Կարդացեք նաև
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է