Գիտնականները ներկայացրել են աշխարհում առաջին ատլասը, որը նկարագրում է կապը սնկերի եւ  քաղցկեղի 35 տեսակների միջեւ

Գիտնականները ներկայացրել են աշխարհում առաջին ատլասը, որը նկարագրում է կապը սնկերի եւ  քաղցկեղի 35 տեսակների միջեւ։

Սնկերը հաճախ առկա են մարդու ուռուցքներում եւ կարող են օգտագործվել որպես գործիք ապագայում քաղցկեղը հայտնաբերելու, ախտորոշելու եւ նույնիսկ բուժելու համար:

Հետազոտության արդյունքները հրապարակվել են Cell ամսագրում:

Հետազոտական ​​թիմը, որը գլխավորում են Կալիֆոռնիայի համալսարանի Սան Դիեգոյի բժշկական դպրոցի եւ Իսրայելի Ռեհովոտ քաղաքի Վայզմանի գիտության ինստիտուտի գիտնականները, նշել է, որ քիչ բան է հայտնի սնկային միկրոօրգանիզմների կամ միկոբիոտայի դերի մասին, որը մարդու միկրոբիոմի մի մասն է։

Նախորդ հետազոտությունները երկար ժամանակ կենտրոնացած էին քաղցկեղի եւ առանձին մանրէների միջեւ կապի վրա:

Այնուամենայնիվ, վերջերս մեծ ուշադրություն է դարձվել մարդու միկրոբիոմին,հատկապես աղիքներում։

Մարմնի բազմաթիվ հատվածների նոր վերլուծությունը, որը հայտնաբերել է քաղցկեղի հետ կապված սնկերը, ներառել է 17401 հյուսվածքի, արյան եւ պլազմայի նմուշներ 35 քաղցկեղով հիվանդների չորս անկախ պոպուլյացիաներում:

Հետազոտողները նշել են, որ նրանք «զգալի հարաբերակցություն» են հայտնաբերել կոնկրետ սնկերի եւ տարիքի, ուռուցքի ենթատիպերի, ծխելու կարգավիճակի, իմունոթերապիային արձագանքելու եւ գոյատեւման մակարդակի միջեւ:

Սակայն, ըստ նրանց, մնում է պարզել, թե արդյոք սնկերը պատճառահետեւանքային կապ ունեն։

«Դա զարմանալի է, քանի որ մենք չգիտենք, թե ինչպես են սնկերը   ներթափանցել ամբողջ մարմնի ուռուցքների մեջ: Բայց դա նաեւ սպասելի է, քանի որ այն համապատասխանում է ողջ օրգանիզմի առողջ միկրոբիոմների օրինակին, ներառյալ աղիքները, բերանը եւ մաշկը, որտեղ բակտերիաներն ու սնկերը փոխազդում են որպես բարդ համայնքի մաս»,-նշում են հետազոտության հեղինակները:

Հետևեք NEWS.am Medicine-ին Facebook-ում և Twitter-ում