• Latest news

Օմեգա-3 ճարպաթթուները բարելավում են ուղեղի առողջությունը միջին տարիքում

7 հոկտեմբերի, 2022  12:39

Գիտնականները նշել են ձկան եւ օմեգա-3 ճարպաթթուների այլ աղբյուրների օգտագործման եւս մեկ օգուտի մասին։ Պարզվել է, որ օմեգա-3-ը պահպանում է ուղեղի առոջղությունը եւ բարելավում իմացական գործառույթները միջին տարիքում։ Այս մասին նշվել է Տեխասի համալսարանի Բժշկական գիտությունների կենտրոնի գիտնականների հոդվածում, որը հրապարակվել է Neurology ամսագրում, որի ամփոփագիրը ներկայացվել է MedicalXpress-ում։

Հոդվածի համաձայն՝ օմեգա-3-ի որոշ քանակության առկայությունն էրիթրոցիտներում կապված է եղել ուղեղի առողջ կառուցվածքի եւ կոգնիտիվ գործառույթի հետ՝ 40-50 տարեկան առողջ կամավորականների շրջանում։

2 183 կամավորականների միջին տարիքը 46 էր։ Օմեգա-3 ճարպաթթուների խտության մակարդակը էրիթրոցիտներում համեմատել են ՄՌՏ-ի արդյունքների եւ ուղեղի ծերացման իմացական մարկերների ուսումնասիրության հետ։ Հետազոտողները նաեւ որոշել են էրիթրոցիտների օմեգա-3-ի խտության ազդեցությունն այն կամավորականների վրա, որոնք APOE4 գենի կրող են, որը կապված է Ալցհեյմերի հիվանդության բարձր ռիսկի հետ։

Պարզվել է, որ անգամ ավելի երիտասարդ տարիքում, եթե դիետան ներառում է օմեգա-3 ճարպաթթուների որոշակի քանակություն, ուղեղը կարող է ապահովված լինել պաշտպանությամբ, որը նկատվում է նաեւ միջին տարիքում։ Օմեգա-3-ի ավելի բարձր ինդեքսը կապված էր հիպոկամպի ավելի մեծ ծավալների հետ, որը պատասխանատու է ուսուցման եւ երկարատեւ հիշողության կոնսոլիդացման համար։

Մեծ քանակությամբ օմեգա-3-ի օգտագործումը կապված էր ավելի լավ աբստրակտ մտածողության կամ բարդ հայեցակարգերը հասկանալու ունակության հետ՝ տրամաբանական մտածողության օգնությամբ։ DHA եւ EPA ճարպաթթուները պաշտպանել են նաեւ APOE4 կրողների ուղեղի առողջությունը։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել