• Latest news

Ապացուցված է, որ մեդիտացիան նույնքան արդյունավետ է, որքան դեղորայքը

7 հոկտեմբերի, 2022  18:42

Հարավային Կալիֆոռնիայի համալսարանի գիտնականները պարզել են, որ շաքարախտ ունեցող մարդկանց պարագայում մեդիտացիան եւ յոգան կարող են նվազեցնել արյան շաքարի մակարդակը նույնքան, որքան դեղորայքը:

Այսպես կոչված մտավոր մեդիտացիան, որը վերջին տարիներին չափազանց տարածված է դարձել աշխարհում, նույնքան արդյունավետ է, որքան դեղամիջոցները շաքարախտի դեպքում արյան շաքարի մակարդակն իջեցնելու համար:

Կալիֆոռնիայի համալսարանի հետազոտողները վերլուծել են տասնյակ պատահական վերահսկվող փորձարկումների տվյալները, որոնք անցկացվել են ամբողջ աշխարհում վերջին 30 տարիների ընթացքում: Ըստ տվյալների՝ 2-րդ տիպի շաքարային դիաբետով հիվանդների պարագայում, որոնք դեղորայքի հետ մեկտեղ դիմել են նաեւ միտքն ու մարմինը բուժելու ոչ ավանդական մեթոդներին արյան շաքարի մակարդակն իջել է:

Այս մեթոդները ներառում են մեդիտացիա, շնչառական վարժություններ, յոգա, ցիգոնգ եւ ուշու: Գիտնականները այս բոլոր մեթոդների արդյունքները համեմատել են այն մարդկանց արդյունքների հետ, ովքեր երեք ամիս արյան մեջ շաքարի մակարդակն իջեցնելու համար օգտագործել են միայն դեղամիջոցներ: Պարզվել է, որ մեդիտացիոն պրակտիկաները արյան մեջ գլյուկոզայի մակարդակն իջեցրել են լրացուցիչ 0,8%-ով, իսկ յոգան՝ 1%-ով։

Սա միանգամայն համեմատելի է շաքարախտի ամենատարածված դեղամիջոցի՝ մետֆորմինի ազդեցության հետ, որն ընդունում է մոտ 14 միլիոն ամերիկացի: Հետազոտողները, զարմացած էին այն արդյունքից, որը ձեռք է բերվել այս տեխնիկայի միջոցով: Նրանք ակնկալում էին որոշակի օգուտ, սակայն չէին կարծում, որ այդքան մեծ կլինի:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։