• Latest news

Ի՞նչ տեղի կունենա ատամների հետ, եթե խմելու ջուրը չֆտորացվի

19 նոյեմբերի, 2022  19:03

2007 թվականին Ալյասկայի մայրաքաղաք Ջունոյի բնակիչները քվեարկել են խմելու ջրի մեջ ֆտորի ավելացումը դադարեցնելու օգտին՝  վախենալով հնարավոր վնասից: Անքորիջի համալսարանի գիտնականները հետեւել են, թե դա ինչ հետեւանքների է հանգեցնում։ Հետազոտության արդյունքները հրապարակվել են BMC Oral Health-ում:

Առաջին խումբը բաղկացած էր 853 հիվանդներից, որոնք 2003 թվականին կարիեսի բուժում էին անցել։ Նրանք գտնվում էին «օպտիմալ պայմաններում», երբ խմելու ջուրը ֆտորացվում էր։ Երկրորդ խումբը՝ 1052 հիվանդ, կարիեսի բուժում է անցել 2012 թվականին «անբարենպաստ պայմաններում» (ֆտորացումը դադարեցնելուց հինգ տարի անց)։

Հետազոտողները պարզել են, որ առաջին խմբի 6 տարեկանից փոքր երեխաները միջին հաշվով բուժում են կարիեսը եւ դրա հետեւանքները տարեկան 1,55 անգամ, մինչդեռ երկրորդ խմբում այդ ցուցանիշն աճել է մինչեւ 2,52 անգամ: Այսինքն՝ ֆտորացումը դադարեցնելուց հետո երեխաները տարին մեկ անգամ ավելի հաճախ են գնացել ատամնաբույժի մոտ։

«Ուսումնասիրությունը ցույց է տալիս, որ առանց խմելու ջրի եւ, հետեւաբար, բերանի եւ թքի մեջ ֆտորի օպտիմալ մակարդակի՝ ատամները կարող են ձեւավորվել ավելի թույլ էմալով եւ ի վիճակի չեն վերականգնել ոչնչացման վաղ նշանները»,-բացատրել են հետազոտողները։

Արդյունքները ապացուցում են, որ ջրի ֆտորացումը բուժիչ եւ կանխարգելիչ ազդեցություն ունի։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է