• Latest news

Ինչու կանայք այնքան հաճախ սեքս չեն ուզում, որքան տղամարդիկ․ հետազոտություն

21 նոյեմբերի, 2022  22:39

Կանայք տղամարդկանց համեմատ ավելի քիչ են սեքս ուզում զունգընկերոջ հետ՝ տեստոստերոնի ցածր մակարդակի պատճառով: Օկլահոմայի պետական համալսարանի հոգեբանների հետազոտության արդյունքները հրապարակվել են Biological Psychology ամսագրում։

Գիտնականների կարծիքով՝ սեքսի ցանկության այս անհամապատասխանությունը կարող է նպաստել հարաբերություններում խնդիրների առաջացմանը։ Օրինակ, կանանց ցածր սեռական ցանկությունը կանխատեսում է ամուսնության մեջ դժգոհություն երկու զուգընկերների համար:

Հետազոտությանը մասնակցել են 48 զույգ նորապսակներ: Բոլոր մասնակիցներն անցել են ճանաչողական ունակությունների թեստ՝ արական եւ իգական սեռային դերերի հարցում եւ թքի անալիզ՝ տեստոստերոնի մակարդակը որոշելու համար:

Այնուհետեւ կամավորները 14 օր հարցաշար են լրացրել իրենց ամուսնու նկատմամբ ունեցած սեռական հակման, ամուսնության մեջ բավարարվածության, սթրեսի, ինքնագնահատականի, սեքսի եւ տրամադրության մասին: Արդյունքները ցույց են տվել, որ տղամարդիկ ավելի ուժեղ սեռական հակում են ունեցել իրենց զուգընկերոջ հանդեպ, ինչպես նաեւ՝ տեստոստերոնի ավելի բարձր մակարդակ:

«Մենք սեռային տարբերությունների բացատրության համար միաժամանակ ուսումնասիրեցինք կենսաբանական, ճանաչողական եւ էմոցիոնալ գործոնների դերը սեռական հակումների մեջ: Պարզվեց, որ տղամարդկանց եւ կանանց միջեւ տեստոստերոնի մակարդակի տարբերությունը միակ գործոնն է, որն օգնեց բացատրել տղամարդկանց մոտ բարձր սեռական ցանկությունը»,- պարզաբանել են հոգեբանները:

Ստացված արդյունքները կարող են նշանակություն ունենալ զույգերի սեռական թերապիայի համար: Հետագայում գիտնականները կշարունակեն ուսումնասիրել այն գործոնները, որոնք ազդում են տղամարդկանց եւ կանանց հակումների վրա։

 

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է