Մահացող քաղցկեղի բջիջները թողնում են գոյատեւման հրահանգներ ուռուցքի համար 

Հաստ աղիքի մահացող քաղցկեղային բջիջներն առաջացնում են ազդանշանային մոլեկուլների արտադրություն, որոնք մեծացնում են մնացած ուռուցքային բջիջների գոյատեւման հնարավորությունները, պարզել են Մայնի Ֆրանկֆուրտի Գյոթեի համալսարանի գիտնականները: Հետազոտությունը հրապարակվել Է Nature ամսագրում։

Կենսաբաններն ուսումնասիրել են այն գործընթացները, որոնք տեղի են ունենում, երբ քիմիաթերապիայի դեղերը սպանում են հաստ աղիքի քաղցկեղի բջիջները ։ Պարզվել է, որ մահանալով՝ դրանք ազատում են ATP (ադենոզինտրիֆոսֆատ) մոլեկուլներ։ 

Այնուհետեւ ակտիվանում է կարեւոր ազդանշանային ուղի, որը պաշտպանում է քաղցկեղի բջիջները մահից եւ ուռուցքը դարձնում թերապիայի  հանդեպ դիմացկուն: Գիտնականները նաեւ ցույց են տվել, որ եթե մահացող ուռուցքային բջիջների եւ նրանց հարեւանների միջեւ կապը ընդհատվում է, դա բազմակի մեծացնում է քիմիաթերապիայի արդյունավետությունը:

Ուսումնասիրության հեղինակները նշում են, որ իրենց հայտնագործությունը հետագայում կբարձրացնի քաղցկեղի թերապիայի արդյունավետությունը։  

Հետևեք NEWS.am Medicine-ին Facebook-ում և Twitter-ում