Թույլատրվում է նույն օրը կորոնավիրուսի դեմ բուստերային պատվաստանյութ  եւ գրիպի դեմ պատվաստանյութ ստանալ․ Օնիշչենկո

Թույլատրվում է նույն օրը կորոնավիրուսի դեմ բուստերային պատվաստանյութ  եւ գրիպի դեմ պատվաստանյութ ստանալ։ Դա համապատասխանում է պատվաստանյութերի հետ կապված համաշխարհային պահանջներին։ Այս մասին Մոսկվա-Մինսկ-Երեւան-Բիշքեկ-Թբիլիսի տեսակամրջի ժամանակ հայտարարեց Ռուսաստանի գիտությունների ակադեմիայի ակադեմիկոս Գենադի Օնիշչենկոն։

Նա պարզաբանեց, որ իմունային համակարգի ծանրաբեռնվածություն չի լինի։

«Մենք այսօր ունենք բինար համավարակ, կորոնավիրուս, որը շարունակվում է արդեն երրորդ տարին։ Այս երեք տարիների ընթացքում եղել է 8 համավարակային աճ»,-նշեց ակադեմիկոսը։

Օնիշչենկոն հավելեց, որ այժմ նկատվում է ութերորդ աճը,  եւ այն հեշտությամբ վարակում է մարդկանց:

«Ներկայիս շտամն առավել հաղթահարվող իմունիտետն է։ «Սպուտնիկ» պատվաստանյութը դրանից պաշտպանում է միայն 40 տոկոսով, այն դեպքում, երբ առաջին շտամների դեպքում այդ թիվը 90 տոկոսի մակարդակում էր»,-նշեց գիտնականը։

Նրա խոսքով՝ 21-րդ դարում սա կորոնավիրուսի արդեն երրորդ գալուստն է։

«Կորոնավիրուսի պաշտոնական գրանցման ողջ ընթացքում երկրի վրա գրանցվել է հիվանդացության 668 մլն 967 հազար 340 դեպք, մահացել է ավելի քան 6 մլն 739 մարդ։ Այն պատճառով, որ կորոնավիրուսը թույլ չի տվել առողջապահությանը նորմալ աշխատել, մահացել է եւս 14,6 միլիոն մարդ»,-նշեց Օնիշչենկոն։

Վիրուսների դեմ պայքարելու համար նա խորհուրդ տվեց ինտերֆերոն ընդունել, բժշկական դիմակներ կրել, նորմալ քնել, նորմալ սնվել, մուլտիվիտամիններ ընդունել, հետեւել քաշին, կոփվել։

Հետևեք NEWS.am Medicine-ին Facebook-ում և Twitter-ում