• Latest news▼

Մամոգրաֆիկ սքրինինգների շնորհիվ Հայաստանում 177 կնոջ մոտ կրծքագեղձի քաղցկեղ է ախտորոշվել. Ավանեսյան

1 հունիսի, 2023  19:10

Հայաստանում մամոգրաֆիկ սքրինինգների շնորհիվ 177 կնոջ մոտ ախտորոշվել է կրծքագեղձի քաղցկեղ: Այս մասին այսօր՝ հունիսի 1-ին, ԱԺ մշտական հանձնաժողովների համատեղ նիստում 2022 թվականի պետական բյուջեի կատարողականի հաշվետվության քննարկման ժամանակ ասաց առողջապահության նախարար Անահիտ Ավանեսյանը։

Նրա խոսքով՝ 1 մլն դոլար բյուջեով դրամաշնորհային ծրագիրը մեկնարկել է 2021 թվականի հունվարին Լոռու մարզում։ Ավելի ուշ շարժական մամոգրաֆը տեղափոխվել է Տավուշի մարզ։ Այժմ ծրագիրը շարունակվում է Սյունիքի մարզում։ 

«Լոռու մարզում ծրագրի պոտենցիալ շահառու է եղել 9798 մարդ։ Նրանցից հետազոտվել է 3208-ը։ Հայտնաբերվել է կրծքագեղձի քաղցկեղի 121 հաստատված դեպք: Քաղաքացիներին ուղարկել են բժշկական կենտրոններ՝ համապատասխան օգնություն ստանալու համար։ Մենք պետք է ամեն ինչ անենք, որպեսզի Լոռու մարզում հաջորդ սքրինինգային ծրագրի իրականացման ընթացքում հետազոտվեն նաեւ նրանք, ովքեր նախկինում չեն հետազոտվել»,-ասաց Ավանեսյանը:

Նա ընդգծեց, որ Տավուշի մարզում 15 457 պոտենցիալ շահառուների շրջանում հետազոտություն է անցել միայն 5209 մարդ։ Արդյունքում հաստատվել է կրծքագեղձի քաղցկեղի 56 դեպք։ Կանայք ուղարկվել են համապատասխան բժշկական օգնության։

 

Հետևեք NEWS.am Medicine-ին Facebook-ում և Twitter-ում

Տպել   |  На русском

 
  • Տեսանյութեր

 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է