2022 թվականին Հայաստանում արձանագրվել է սրտանոթային հիվանդությունների, չարորակ նորագոյացությունների եւ շաքարային դիաբետի հայտնաբերման դեպքերի աճ։ Այս մասին այսօր՝ հունիսի 1-ին, ԱԺ մշտական հանձնաժողովների համատեղ նիստում 2022 թվականի պետական բյուջեի կատարողականի հաշվետվության քննարկման ժամանակ ասաց առողջապահության նախարար Անահիտ Ավանեսյանը։
Սա, նրա խոսքով, շատ կարեւոր է, քանի որ հիվանդությունների ժամանակին ախտորոշումը բերում է նրան, որ բժիշկները ժամանակին բժշկական օգնություն են ցուցաբերում։
«Հայաստանում հիվանդացության ամենամեծ բաժինը հենց այս երեք հիվանդություններինն է։ Դրանք կազմում են մեր ընդհանուր հիվանդացության ավելի քան 48 տոկոսը»,-ասել է նա։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր