• Latest news

Անգլիայում սիֆիլիսի դեպքերը հասել են ամենաբարձր մակարդակին 1948 թվականից ի վեր

7 հունիսի, 2023  23:30

Անգլիայում գոնորեայի դեպքերը հասել են ռեկորդային մակարդակի, անգամ 13 տարեկան երեխաների մոտ սեռական ճանապարհով փոխանցվող վարակ է ախտորոշվել, ցույց են տալիս նոր հետազոտությունները։

Քլամիդիոզի և սիֆիլիսի դեպքերի թիվը նույնպես կտրուկ աճել է, ընդ որում ախտորոշված վարակիչ սիֆիլիսի դեպքերը ամենաբարձր մակարդակն են գրանցել Երկրորդ համաշխարհային պատերազմից անմիջապես հետո:

Մեծ Բրիտանիայի Առողջապահության անվտանգության նոր գործակալության (UKHSA) թվերը ցույց են տալիս, որ ընդհանուր առմամբ 2022 թվականին Անգլիայում գրանցվել է նոր սեռավարակների 392,453 դեպք, այսինքն օրական ավելի քան 1000 դեպք: 2021 թվականի համեմատ աճը կազմել է 23,8 տոկոս:

Թեև դեպքերի աճը մասամբ կապված է թեստավորման ավելացման հետ, սակայն առողջապահության ոլորտի պաշտոնյաները պնդում են, որ կտրուկ աճը «խստորեն հուշում է», որ սեռավարակների ավելի շատ փոխանցման դեպքեր կան բնակչության մեջ:

UKHSA-ի նոր թվերը ցույց են տալիս.

– Գոնորեայի դեպքերը 2022-ին հասել են 82,592-ի, ինչը 50,3%-ով ավելի է 2021-ի համեմատությամբ: Սա ամենաբարձր ցուցանիշն է մեկ տարվա ընթացքում՝ սկսած 1918-ից:

– 13-ից 14 տարեկանների մոտ ախտորոշվել է գոնորեայի 50 դեպք,

– 2022-ին 65-ից բարձր տարիքի 537 անձանց մոտ ախտորոշվել է գոնորեա, մինչդեռ մինչեւ 2019-ի համաճարակը այդ թիվը 387 էր:

– 2022 թվականին գոնորեայից հիվանդացության մակարդակը Լոնդոնում ամենաբարձրն է եղել: Մայրաքաղաքում յուրաքանչյուր 100,000 բնակչից 383,4-ի մոտ ախտորոշվել է գոնորեա, իսկ Արևելյան Անգլիայում այդ ցուցանիշը ընդամենը 68 է:

– Վարակիչ սիֆիլիսի ախտորոշումները 2022 թվականին աճել են մինչև 8692, ինչը տարեկան ամենամեծ թիվն է 1948 թվականից ի վեր:

– Քլամիդիոզի ախտորոշումը 2022-ին աճել է 24,3 %-ով՝ 2021-ի 160279 ախտորոշումից հասնելով 199233-ի:

– Սա ներառում է 68,882 քլամիդիոզի ախտորոշում 15-24 տարեկան մարդկանց շրջանում:

UKHSA-ն հայտնել է, որ 15-ից 24 տարեկան երիտասարդների մոտ, ամենայն հավանականությամբ, ախտորոշվում են սեռավարակներ, քանի որ կազմակերպությունը կոչ է անում նրանց, որոնք սեռական հարաբերություններ ունեն նոր զուգընկերների հետ, կրել պահպանակ և պարբերաբար թեստավորվել:

Նշվում է, որ սեռավարակները սովորաբար հեշտությամբ բուժվում են հակաբիոտիկներով, բայց կարող են լուրջ առողջական խնդիրներ առաջացնել, եթե չբուժվեն:

Քլամիդիոզն և գոնորեան կարող են առաջացնել անպտղություն և կոնքի բորբոքային հիվանդություն, մինչդեռ սիֆիլիսը կարող է կյանքին սպառնացող ուղեղի, սրտի կամ նյարդերի հետ կապված խնդիրներ առաջացնել:

2022 թվականին կատարվել է քլամիդիոզի, գոնորեայի, սիֆիլիսի կամ ՄԻԱՎ-ի 2,195,909 ախտորոշիչ թեստ, ինչը 13,4%-ով ավելի է, քան 2021-ին:

Թեստավորման մակարդակը մնում է ավելի ցածր, քան մինչ Covid-ը, սակայն ախտորոշվող սեռավարակների թիվը գերազանցում է համաճարակից առաջ գրանցված բարձր մակարդակը։

2022 թվականին օրական միջինում ախտորոշվել է ավելի քան 1000 սեռավարակ։

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է