ԼՂ-ից տեղահանվածների բժշկական օգնությունն ու սպասարկումն իրականացվելու է պետական պատվերի շրջանակում․ ՀՀ ԱՆ

Լեռնային Ղարաբաղից բռնի տեղահանված մեր հայրենակիցների բժշկական օգնությունն ու սպասարկումը, այդ թվում` հիվանդանոցային, իրականացվելու է պետական պատվերի շրջանակում: Այս մասին հայտնում են ՀՀ առողջապահության նախարարությունից։

Հաղորդվում է, որ ըստ կարիքի` անձը կարող է դիմել կեցության վայրին մոտ գտնվող առողջության առաջնային պահպանման բժշկական կազմակերպություն (ամբուլատորիա, պոլիկլինիկա, կանանց կոնսուլտացիա) կցագրվելու նպատակով, ինչը հիմք կդառնա սահմանված ծավալներով պետական պատվերի շրջանակում բուժօգնությունից օգտվելու համար, ներառյալ` ամբուլատոր պայմաններում անվճար տրամադրվող դեղերը:

Հետևեք NEWS.am Medicine-ին Facebook-ում և Twitter-ում