• Latest news

Հայաստանում արտամարմնային բեղմնավորմամբ ծնված առաջին երեխաների մասին. պատմում է մայրը

3 հոկտեմբերի, 2014  17:20

Կարինա Մայսուրաձեն 10 տարի առաջ էր ամուսնու հետ միասին Վրաստանից Հայաստան տեղափոխվել: Ամուսինները 13 տարի շարունակ երեխա ունենալու անհաջող փորձեր էր կատարել եւ հույս ունեին արտամարմնային բեղմնավորմամբ հղիության հասնել:

Զույգը Մոր եւ մանկան առողջության պահպանման գիտահետազոտական կենտրոնի օգնությանն էր դիմել եւ, ինչպես Կարինա Մայսուրաձեն է NEWS.am Medicine-ի թղթակցին պատմել, կարճ ժամանակ անց արտամարմնային բեղմնավորման կազմակերպմանը միտված աշխատանքներ էին մեկնարկել: Հայ բժիշկների համար դա արտամարմնային հղիության առաջին փորձն էր. մինչ այդ երկրում ոչ ոք նման բան չէր արել: 

Առաջին երկու փորձերն անհաջողությամբ էին ավարտվել, սակայն երրորդից հետո հղիություն էր արձանագրվել: Այնուհետեւ էլ պարզվել էր, որ կինը ոչ թե մեկ երեխայի, այլ… եռյակի է սպասում: Հղիությունը, Կարինա Մայսուրաձեի հավաստիացմամբ, բավականին հանգիստ՝ առանց լուրջ խնդիրների եւ բարդությունների է անցել: Բոլոր ինը ամիսների ընթացքում կինն այստեղ՝ Հայաստանում, տեղացի մասնագետների հսկողության տակ է գտնվել: Ծննդաբերությունն էլ Հայաստանում է եղել՝ կեսարյան հատմամբ: 2004թ.-ին էր, երբ միմյանց բոլորովին չնմանվող երկու աղջիկներն ու մեկ տղան լույս աշխարհ եկան:

«Ամենակարեւորը՝ պետք է հավատալ, որ ամեն ինչ հաջող է ավարտվելու, եւ այդպես էլ կլինի», - այս ուղերձը Կարիա Մայսուրաձեն բոլոր՝ երեխա ունենալու երազանքով ապրող զույգերին է հղել:

Մայսուրաձեների ընտանիքը ներկայումս Վրաստանում է բնակվում, սակայն այսօր Կարինան երեք երեխաների հետ միասին կրկին Հայաստանում էր: Եկել են՝ արտամարմնային բեղմնավորման ժամանակակից խնդիրներին նվիրված գիտաժողովին մասնակցեն: 

«10 տարիների ընթացքում սա արդեն երրորդ այցն է Հայաստան: Ավելի հաճախ զանգահարում ենք, չեմ մոռանում այն ամենը, ինչ Հայաստանն է մեզ տվել», - պատմել է Կարինա Մայսուրաձեն:

Հետևեք NEWS.am Medicine-ին Facebook-ում և Twitter-ում


 
  • Կարդացեք նաև
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է