• Latest news

Էլեկտրոնային սիգարետներն ընդդեմ ավանդական սիգարետի․ Ինչ է պարզել վերջին լայնածավալ հետազոտությունը

12 փետրվարի, 2024  15:21

Էլետրոնային սիգարետները շատ ավելի անվտանգ այլընտրանք են ի համեմատ ավանդական սիգարետի, սակայն դրանք բարձրացնում են թոքերի որոշ հիվանդությունների վտանգը եթե համեմատենք ընդհանրապես չծխողերի հետ։ Հետազոտությունները ցույց են տվել, որ էլ․ սիգարետները շատ ավելի քիչ վնասակար են և հանգեցնում են առողջության վրա ավելի քիչ ծանր հետևանքների:

Գերմանացի մասնագետները վերլուծել են ավելի քան 600 հետազոտություն, ավանդական սիգարետի և էլ․ սիգարետների օգտագործման հետևանքների վերաբերյալ՝ պարզելու, թե ինչպես են դրանք համեմատվում:

Գիտնականները պարզել են, որ էլ․ սիգարետները կապված են թոքերի ութ հիվանդությունների հետ՝ ասթմա, թոքային քրոնիկ օբստրուկտիվ հիվանդություն (COPD), բրոնխիտ, թոքաբորբի որոշ ձևերի, և թոքերի փոքր շնչուղիների վնաս: Թեև այս պայմաններից ոմանք ծայրահեղ դեպքերում կարող են մահացու լինել, դրանք միշտ չէ, որ վտանգավոր են կյանքի համար:

Միևնույն ժամանակ, ավանդական սիգարետ ծխելը վաղուց կապված է մահացու հիվանդությունների հետ, ինչպիսիք են թոքերի քաղցկեղը, շաքարախտը, սրտի հիվանդությունը և ինսուլտը, որոնց դեպքում գոյատևման մակարդակը շատ ավելի ցածր է:

Հետազոտողները նաև պնդում են, որ էլ․ սիգարետները «նվազեցնում են վնասակար տոքսինների ազդեցությունը՝ համեմատած ավանդական սիգարետների հետ», քանի որ ուսումնասիրությունները ցույց են տվել, որ սովորական էլ․ սիգարետի գոլորշին պարունակում է 2000 քիմիական նյութ՝ ավանդական սիգարետի ավելի քան 7000-ի դիմաց:

Ըստ Ռութգերսի համալսարանի ծխախոտային կախվածության ծրագրի տնօրեն Դոկտոր Մայքլ Սթայնբերգի «Այս պահին ապացույցները բավականին անվիճելի են, որ էլեկտրոնային սիգարետները զգալիորեն ավելի քիչ վնասակար են, քան այրվող սիգարետը»:

Հետազոտությունը հրապարակվել է Սննդի և Քիմիական Նյութերի Տոքսիկոլոգիա գիտական պարբերականում։

Աղբյուրը՝ Daily Mail

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել