• Latest news

Մարտի 1-ից 470 դեղեր կվաճառվեն էլեկտրոնային դեղատոմսերով. Դա դեղերի մոտ 20 տոկոսն է կազմում

29 փետրվարի, 2024  12:59

Կառավարության այսօրվա՝ փետրվարի 29-ի նիստում ներկայացվեց նախագիծ, համաձայն որի՝ նախատեսվում է անվճար կամ արտոնյալ պայմաններով տրվող, ինչպես նաև համակարգային ազդեցությամբ հակավարակային (հակաբակտերիային, հակասնկային, հակամիկոբակտերիային, հակավիրուսային դեղերի, իմունային շիճուկների և իմունոգլոբուլինների, պատվաստանյութերի) և միզոպրոստոլ պարունակող դեղերի մասով դեղատոմսերը դուրս գրել էլեկտրոնային տարբերակով:

«Սա կբերի ինքնաբուժության նվազման, որակյալ, արդյունավետ և նպատակային բժշկական օգնության տրամադրման, բժշկական կազմակերպություններում ավելորդ հերթերից խուսափման, բնակչության իրազեկվածության բարձրացման, ինչպես նաև բժշկական կազմակերպություններում բժշկական օգնության և սպասարկման որակի, վերահսկողության բարձրացման»,- ասաց զեկուցող առողջապահության նախարարի տեղակալ Արտակ Ջումայանը։

Նա նշեց, որ այս որոշումը վերաբերում է 470 դեղամիջոցի, որից 375-ը՝ արտոնյալ պայմաններով, իսկ 75-ը՝ կենտրոնացված կարգով։  Մարտի 1-ից այդ դեղամիջոցները կարող են ձեռք բերել էլեկտրոնային տարբերակով։

Նիկոլ Փաշինյանը հետաքրքրվեց՝ այս փուլում ամեն ինչ չէ՞, որ քաղաքացիները դեղատներից ձեռք են բերելու դեղատոմոսով կամ էլեկտրոնային դեղատոմսով, այսինքն շարունակելո՞ւ են մնալ դեղամիջոցներ, որոնք մարդիկ ուղղակի կարող են ազատ վաճառքի ձևով գնել։

«Այո, ճիշտ եք։ Ընդհանուր թվաքանակից մենք  փակում ենք մոտ 20 տոկոս դեղորայքների ցանկը, որոնք պետք է դուրս գրվեն էլեկտրոնային դեղատոմոսով»,- ասաց Արտակ Ջումայանը։

Նա հստակեցրեց, որ ներկայացված նախագծով 2025 թվականի հունվարի 1-ից անցնելու են ամբողջ դեղորայքների դուրս գրմանը էլեկտրոնաին եղանակով։

«2025 թվականի հունվարի ևս 2566 դեղանվանում կանցնեն էլեկտրոնային դեղատոմոսով դուրս գրման»,- ասաց փոխնախարարը։

Նա տեղեկացրեց, որ ընդհանուր 3370 գրանցված անվանում կա, որից 2566-ը պետք է դուրս գրվեն դեղատոմոսով, մնացածը ազատ վաճառքում կլինի:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել