• Latest news

Անտառային հրդեհները վտանգ են ներկայացնում ոչ միայն մերձակայքում ապրող մարդկանց ֆիզիկական, այլև հոգեկան անվտանգության համար. ուսումնասիրություն

4 մարտի, 2024  08:30

Անտառային հրդեհները ակնհայտորեն ուղղակի վտանգ են ներկայացնում ֆիզիկական առողջության համար, սակայն Կալիֆորնիայի խոշոր անտառային հրդեհների մոտ ապրող ավելի քան 7 միլիոն մարդկանց ուսումնասիրությունը ցույց է տվել, որ հրդեհները կապված են նաև հոգեկան առողջության մեծ փոփոխությունների հետ:

Ուսումնասիրության մեջ, որը հրապարակվել է JAMA Network Open ամսագրում, դիտարկվել է հոգեկան առողջության համար նախատեսված դեղերի պատվերների աճը անտառային հրդեհների մոտակայքում ապրող մարդկանց շրջանում:

Հետազոտության մասնակիցները 2011-ից 2018 թվականներին ապրել են Կալիֆորնիայի 25 խոշոր անտառային հրդեհների մոտ: Երբ տարածքում անտառային հրդեհներ են տեղի ունեցել, հետազոտողները տեսել են հակադեպրեսանտների, տրամադրությունը կայունացնող  և տագնապը նվազեցնող դեղամիջոցների պատվերների վիճակագրորեն զգալի աճ՝ համեմատած անտառային հրդեհներին նախորդած ժամանակահատվածի հետ: Աճը պայմանավորված է եղել նոր դեղատոմսերով և պաշարների համալրումով:

Սակայն հակապսիխոտիկ կամ քնաբեր դեղերի դեղատոմսերի աճ չի գրանցվել:

Հետազոտությունը ցույց է տվել, որ ավելի շատ դեղատոմսեր տրվել են կանանց և տարեցներին:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել