• Latest news

Անպտղության թերապիան կրկնապատկում է կանանց հիվանդանալու վտանգը. JIМ

21 մայիսի, 2024  18:39

Պտղաբերության բուժման կուրս անցնող կանայք ծննդաբերությունից հետո մեկ տարվա ընթացքում երկու անգամ ավելի հաճախ են հոսպիտալացվում սրտի հիվանդության ախտանիշով, քան բնական ճանապարհով հղիացած կանայք:

Այս եզրակացությանն են հանգել ԱՄՆ Ռութգերսի համալսարանի կլինիկական ստորաբաժանման գիտնականները։ Հետազոտության արդյունքները հրապարակվել են Journal of Internal Medicine (JIM) գիտահանրամատչելի հանդեսում:

Գիտնականները վերլուծել են 2010-2018 թվականներին մայրացած ավելի քան 31 միլիոն կանանց առողջական տվյալները: Հետազոտողները նրանց թվում հայտնաբերել են նախկինում պտղաբերության բուժման կուրս անցած 287 հազար 813 կանանց:

Պարզվել է, որ նշված խմբի մասնակիցները շրջանում ծննդաբերությունից հետո մեկ տարվա ընթացքում սրտի հիվանդության ախտանիշով հոսպիտալացվելու հավանականությունը երկու անգամ ավելի մեծ է, քան բնական ճանապարհով հղիացած կանանց շրջանում: 

Մասնավորապես, անպտղության դեմ բուժում ստացածները հիպերտոնիայի ծանր տեսակով մոտ 2,16 անգամ ավելի հաճախ են հոսպիտալացվել:

Սակայն գիտնականները նշել են, որ ընդհանուր առմամբ, հակառակ բարձր ռիսկին, պտղաբերության բուժման ենթարկվող հիվանդների համեմատաբար երիտասարդ տարիքի շնորհիվ հետծննդյան սրտի հիվանդության ընդհանուր դեպքերի մակարդակը ցածր է:

Լրացուցիչ հետազոտություններ են անհրաժեշտ՝ պարզելու համար՝ արդյոք հոսպիտալացումները բուժման եղանակների և կանանց շրջանում նախկինում գոյություն ունեցող առողջական պայմանների հետ են կապված:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել