• Latest news

ԱՊՀ երկրների ստոմատոլոգների XII համագումարը մեկնարկել է Երեւանում

13 հոկտեմբերի, 2014  13:49

Երեւանում այսօր մեկնարկել է ԱՊՀ երկրների ստոմատոլոգների XII համագումարը, որի ընթացքում նախատեսված են գիտական զեկույցներ եւ մասնագիտական դասընթացներ, որոնք անցկացնելու են այն երկրներից ժամանած հայտնի մասնագետները։  

«Հայաստանի ստոմատոլոգիական ասոցիացիայի» նախագահ Աշոտ Գեւորգյանը լրագրողներին պատմել է այն մասին, որ այսօր տեղի է ունենալու նաեւ ԱՊՀ երկրների ստոմատոլոգիական ասոցիացիաների նախագահների նիստը, որտեղ քննարկվելու են մի շարք կազմակերպչական հարցեր եւ խնդիրներ։

Ինչպես NEWS.am Medicine-ի թղթակցին կազմակերպչական կոմիտեի անդամ Վիկտոր Մելքումովն է պատմել, համաժողովին մասնակցում են 50-ից ավելի հյուրեր՝ 14 երկրներից, որոնց թվում Ռուսաստանը, Ուկրաինան եւ Ղազախստանը։ Ներկա են նաեւ բազմաթիվ հայ մասնագետներ՝ ինչպես Հայաստանից, այնպես էլ ԱՄՆ-ից, Ֆրանսիայից եւ Լեռնային Ղարաբաղից։

Ռուսաստանի դաշնության Առողջապահության նախարարության գլխավոր ատամնաբույժ, Մոսկվայի պետական բժշկա-ստոմատոլոգիական համալսարանի ռեկտոր Օլեգ Յանուշեվիչը նույնպես Հայաստան է ժամանել՝ համագումարին մասնակցելու համար։ Նրա խոսքով, այս միջոցառումը շատ կարեւոր է, քանի որ հնարավորություն է տալիս ատամնաբուժական ոլորտի նորությունների փոխանակում կատարել եւ համադրել փոփոխությունները ԱՊՀ երկրներում։

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել