• Latest news

Երեւանում մեկնարկել է Մանկական բժիշկների 4-րդ ազգային կոնֆերանսը՝ միջազգային մասնակցությամբ

24 հոկտեմբերի, 2014  10:48

Երեւանում այսօր մեկնարկել է Մանկական բժիշկների 4-րդ ազգային կոնֆերանսը, որը կազմակերպվել է Մանկական բժիշկների հայկական ասոցիացիայի կողմից:

Ինչպես NEWS.am Medicine-ի թղթակցին Մանկական բժիշկների հայկական ասոցիացիայի փոխնախագահ Սերգեյ Սարգսյանն է պատմել, գիտաժողովին մասնակցում են ինչպես բժիշկներ Երեւանից եւ մարզերից, այնպես էլ հյուրեր Շվեյցարիայից, Դանիայից, Վրաստանից եւ Ռուսաստանից: Մասնակիցների ընդհանուր թիվը մոտ 350 է:

Երկու տարին մեկ կազմակերպվող այս միջոցառմանը, Սերգեյ Սարգսյանի խոսքով, հայ եւ արտերկրյա առաջատար մասնագետները շատ կարեւոր եւ հետաքրքիր դասախոսություններով են հանդես գալու: Ներկայացվելու են նաեւ հայ մանկաբույժների գիտական աշխատությունները: Քննարկվող թեմաների թվում են երեխաների սնուցումը, անեմիան, նյարդաբանական խնդիրները եւ դրանց հետազոտությունը, շնչառական ինֆեկցիաները եւ ալերգիկ հիվանդությունները:

Բացման իր խոսքի ժամանակ Առողջապահության, մայրության եւ մանկության հարցերի մշտական հանձնաժողովի նախագահ Արա Բաբլոյանը նշել է, որ վերջին տարիներին Հայաստանում մանկաբուժության ոլորտում մեծ ձեռքբերումներ են եղել. մասնավորապես, նվազել է մանկական մահացությունը եւ ներդրվել է իմունիզացիայի արդյունավետ ծրագիր: Բայց դեռ շատ անելիքներ կան՝ ոլորտում առկա այլ խնդիրները լուծելու համար:

Գիտաժողովի մասնակիցներին ողջունել է նաեւ առողջապահության նախարար Արմեն Մուրադյանը, ով իր ելույթում նշել է, որ մոր եւ մանկան առողջությունը միշտ Հայաստանի բժշկության գերակա ուղղություններից մեկն է եղել, այդ իսկ պատճառով ոլորտի ֆինանսավորումը տարեցտարի աճում է:

Գիտաժողոցը երկու օր է տեւելու եւ ավարտվելու է վաղը՝ հոկտեմբերի 25-ին:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է