• Latest news

Ուզո՞ւմ եք երկար ապրել. հավատացեք, որ երիտասարդ եք

16 դեկտեմբերի, 2014  18:58

Ժողովուրդն ասում է՝ մարդու տարիքն այնքան է, որքան ինքն է զգում։ Պարզվում է՝ այս ասացվածքի հիմքում գիտական փաստ է. այն մարդը, ով իրեն ավելի երիտասարդ է զգում, ավելի երկար է ապրում, քան նա, ով զգում է իր իրական տարիքը։ Այս եզրահանգմանն են եկել Լոնդոնի համալսարանական քոլեջի  գիտնականները իրենց վերջին հետազոտություններից մեկի ժամանակ, որին մասնակցել է 6500 տարեց մարդ։ 

Գիտնականները փորձի մասնակիցներին հարցրել են՝ քանի տարեկան են նրանք իրականում եւ քանի տարեկան են իրենք իրենց զգում։ Մասնակիցների գրեթե 70 %-ը, ում միջին տարիքը եղել է 65,8, իրենց մի քանի տարով ավելի երիտասարդ է զգացել։ Մասնակիցների քառորդ մասն իր իրական տարիքն է զգացել, իսկ 20 մասնակիցներից միայն մեկը՝ ավելի ծեր, քան իրականում։

Հետազոտությանը հաջորդող 8 տարիների ընթացքում գիտնականները հետեւել են փորձի մասնակիցների կյանքի ընթացքին եւ գրանցել են նրանց մահվան դեպքերը։ Այդ տարիներին մահացել է իրենց ավելի երիտասարդ զգացող տարեցների 14,3%-ը, իրենց իրական տարիքն զգացող մասնակիցների 18,5%-ը եւ  իրենց ավելի մեծ զգացողների  25%-ը։

 Հետազոտությունը նաեւ ցույց է տվել, որ «հոգեբանական» տարիքի եւ սրտանոթային հիվանդություններից մահացությունների միջեւ զգալի կապ կա, սակայն, ցավոք սրտի, ինքնաընկալումը ոչ մի կերպ չի վերաբերում քաղցկեղային հիվանդություններից մահացության դեպքերին։

Ամեն դեպքում հետազոտությունը հնարավորություն է տալիս հետեւյալ եզրակացությունն անել. եթե ցանկանում եք ապրել երկար եւ առողջ, հավատացեք, որ Դուք դեռ երիտասարդ եք։

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է