• Latest news

Կանադահայ աշակերտուհին դիալիզի նոր սարք է ստեղծել

10 փետրվարի, 2015  22:44

17-ամյա կանադահայ Անյա Փողարյանը հայտնագործել է մի սարք, որը կարող է հեղափոխական լինել բժշկության ոլորտում եւ ամբողջովին փոխել  դիալիզի կատարման գործընթացը:

Ամերիկյան լրատվամիջոցների հաղորդմամբ՝ ավագ դպրոցի աշակերտուհի Անյան մշակել է դիալիզի սարքի մի նախատիպ, որը հնարավոր կլինի օգտագործել տանը եւ կարժենա ընդամենը 500 դոլար, այն դեպքում, երբ դիալիզի սովորական սարքերն արժեն 30 000 դոլար:

Սարքը ստեղծելու գաղափարը ծնվել է, երբ աղջիկը, դպրոցական ծրագրի շրջանակում, սկսել է որպես կամավոր աշխատել կանադական հիվանդանոցներից մեկի դիալիզի բաժանմունքում: Եվ երբ դպրոցում նրան հանձնարարել են գիտական նախագիծ ներկայացնել, աղջիկը որոշել է աշխատել դիալիզի նոր սարք ստեղծելու ուղղությամբ: Գյուտի համար նա ծախսել է մոտ 300 ժամ:

Դիալիզն արհեստական ճանապարհով արյունը մաքրելու բուժակարգ է: Այն արհեստական պայմաններում կատարում է այն նույն աշխատանքը, ինչն անում է առողջ երիկամը. արյունը վերցնում է օրգանիզմից, մաքրում եւ հետ է վերադարձնում: Գործընթացը կատարվում է հիվանդանոցներում՝ շաբաթական 3  անգամ՝ 3-4 ժամ տեւողությամբ:

 Անյան ասել է, որ իր նախագծով պարզապես ցանկացել է թեթեւացնել դիալիզի կարիք ունեցող հիվանդների կյանքը: «Ես ցանկանում էի, որ նրանք ստիպված չլինեն ամեն անգամ գնալու հիվանդանոց, քանի որ դա լուրջ խնդիր է շատ այցելուների համար:  Հեշտ չէ շաբաթական երեք անգամ կլինիկա գնալը, հատկապես եթե հիվանդը տեղաշարժվելու խնդիր ունի»,-պատմել է աղջիկը:

 Հաղորդվում է, որ Անյան արդեն բազմաթիվ մրցանակների է արժանացել, իսկ կանադանական Héma-Québec հիվանդանոցը նրան հրավիրել է ամառային վերապատրաստման, որի ժամանակ կփորձարկվի նրա գյուտը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է