• Latest news

Հայաստանում պալիատիվ բժշկության հարցերով միջազգային գիտաժողով է անցկացվում

26 փետրվարի, 2015  18:40

Երեւանում անցկացվում է պալիատիվ բժշկության հարցերով միջազգային գիտաժողովը, որին, ՀՀ առողջապահական ոլորտի ներկայացուցիչներից բացի, մասնակցում են նաեւ մասնագետներ այլ երկրներից, որտեղ պալիատիվ բժշկությունն այս կամ այն կերպ կիրառվում է:

«Մենք պետք է ծանոթանանք այլ երկրների փորձին, հենց դրան է նվիրված երկօրյա այս գիտաժողովը: Գիտաժողովի ընթացքում մասնագետները կծանոթացնեն մեզ իրենց երկրներում կիրառվող պալիտաիվ օգնությանը, իսկ մենք պետք է ադապտացնենք նրանց փորձը մեր երկրի, մեր ժողովրդի կարիքներին, մեր հնարավորություններին», - նշում է առողջապահության, մայրության եւ մանկության խորհրդարանական մշտական հանձնաժողովի նախագահ Արա Բաբլոյանը:

Նրա խոսքով՝ գիտաժողովը հնարավորություն է ընձեռում մշակել ինչպես մեծերին, այնպես էլ փոքրիկներին տրամադրվող պալիատիվ օգնության ճիշտ մոտեցումներ:

Իսկ ի՞նչ է պալիատիվ օգնությունը եւ ինչու է այն այդքան կարեւոր:

Արա Բաբլոյանը պարզաբանեց, որ ոչ բոլոր հիվանդությունները, ցավոք սրտի, կարելի է բուժել, իսկ անբուժելի հիվանդ մարդիկ շատ հաճախ որոշակի ծառայությունների կարիք ունեն, որոնք նրանց հնարավորություն են ընձեռում արժանապատվորեն եւ պատշաճ պայմաններում անցկացնել իրենց վերջին օրերը՝ առանց անտանելի ցավ զգալու:

Պալիատիվ օգնությունը դեռ նոր է կիրառվում Հայաստանում, եւ դրա հաջող ներմուծման համար մեր մասնագետները պետք է ծանոթանան այլ երկրների փորձի հետ:

Ռուսաստանում, օրինակ, պալիատիվ օգնությունը նույնպես դեռ գտնվում է կայացման փուլում, սակայն, ինչպես նշեց մեր թղթակցի հետ զրույցում Կարինա Վարտանովան երեխաներին տրամադրվող պալիատիվ օգնության ֆոնդից, այնտեղ բժշկության այս տեսակն արդեն ամրագրված է օրենսդրորեն: Հարկ է նշել, սակայն, որ, չնայած նրան, որ ՌԴ-ում պալիատիվ օգնության կարիք ունեցող երեխաների թիվը մոտավորապես 287 հազար է կազմում, այդ օգնությունը տրամադրող ծառայությունների քանակը շատ սուղ է՝ ընդամենը 3 մանկական հոսպիս, 12 պալիատիվ բաժանմունք (5-7 տեղ նախատեսող) եւ 17 արտագնա ծառայություն:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է