Գիտնականները վերածրագրավորել են ցողունային բջիջները

Գիտնականները գտել են մկներից ստացած հասուն բջիջների վերածրագրավորման էժան եւ հասարակ մեթոդ, որպեսզի նրանք կրկին կարողանան վերադառնալ սաղմնային վիճակի, ինչը թույլ կտա նրանցից տարբեր տիպի հյուսվածքներ ստեղծել:

Համաձայն հետազոտության, որը գիտնականները ցողունային բջիջների բնագավառում բեկումնային են անվանել, ապագայում մարդկային բջիջները նույնպես հնարավոր կլինի նույն կերպ վերածրագրավորել: Դա վնասված բջիջների փոխարինման կամ հիվանդ եւ վնասված մարդկանց համար նոր օրգանների աճեցման ավելի պարզ եղանակ կլինի :

Լոնդոնի  Համալսարանական քոլեջի վերականգնողական բժշկության մասնագետ Քրիս Մեյսոնը, ով մասնակցություն չի ունեցել այս աշխատանքին, ասաց, որ այս մոտեցումը պլյուրիպոտենտ բջիջների ստեղծման համար  «ամենա հասարակ, ամենա էժան եւ արագ մեթոդն է եղել»:

Վերջերս գիտնականները բացահայտել են, որ սթրեսից հետո բջիջները պահպանվում եւ վերականգնվում են՝ բնական վերադարձի ուղիով վերադառնալով սաղմնային ցողունային բջիջներին բնորոշ վիճակի, հաղորդում է Newsmax Health-ը:

Ցողունային բջիջները օրգանիզմի մասնագետ-բջիջներ են, որոնք ունակ են վերափոխվել մնացած բոլոր բջիջների: Գիտնականներն ասում են, որ օգնելով հյուսվածքների վերականգնմանը, նրանք կարող են առաջարկել պայքարի մեթոդներ այնպիսի հիվանդությունների համար, որոնց համար ներկայումս միայն սահմանափակ բուժում գոյություն ունի, ներառյալ սրտի հիվանդությունները, Պարկինսոնը եւ ինսուլտը:

Գոյություն ունի ցողունային բջիջների երկու հիմնական տիպ՝ սաղմնային՝ ստացված սաղմից  եւ հասուն կամ պլյուրիպոտենտ, որոնք վերցվում են  մաշկից կամ արյունից եւ կրկին վերածրագրավորվում ցողունային բջիջների:

Քանի որ սաղմնային ցողունային բջիջների հավաքագրումը պահանջում է մարդու սաղմի քանդում վնասում, այս մեթոդիկան առաջացրել է աբորտի հակառակորդների բողոքը, ինչպես նաեւ էթիկական բնույթի տարբեր հարցերի պատճառ է դարձել:

Հետևեք NEWS.am Medicine-ին Facebook-ում և Twitter-ում