• Latest news

«Սրտաբանների բանակը» հավաքվել է Հայաստանում ՝ եվրակովկասյան համաժողովում (ֆոտո)

11 սեպտեմբերի, 2015  18:40

Հայաստանի ուժը ոչ թե փողն է կամ նավթը, այլ մտավորականներն ու լավ մասնագետները. Հայաստանում կա սրտաբանների հզորագույն բանակ ու ուժեղ դպրոց, որի հիմքը դրել են սփյուռքահայերը: Սրտաբանների եվրակովկասյան 5-րդ համաժողովի բացման ժամանակ նման տեսակետ արտահայտեց ՀՀ սփյուռքի նախարար Հրանուշ Հակոբյանը:

«Մեր հայրենակիցները, որոնք կայացել են աշխարհի տարբեր երկրներում, մեր որակյալ մասնագետները ամբողջ աշխարհին ցույց են տալիս, թե ովքեր են հայերը: Ցեղասպանության 100 –րդ տարելիցին մենք ապացուցեցինք աշխարհին, որ այսօրվա հայերն արդեն այն սոված ու ծեծված ժողովուրդը չեն՝ 20-րդ դարից: 21-րդ դարի հայերը կազմակերպված, ուժեղ, խելացի մարդիկ են, ովքեր կարողանում են համախմբվել հայրենիքի շուրջ: Մենք ուժեղ 12 միլիոնանոց ազգ ենք, որը եթե ցանկանա որեւէ բան անել, անպայման կհասնի իր նպատակին»,- ասել է նա:

Առողջապահության նախարար Արմեն Մուրադյանը նույնպես ողջունել է համաժողովի մասնակիցներին ու հիշեցրել, որ Հայաստանում մահերի մոտավորապես 80 տոկոսը պայմանավորված է ոչ ինֆեկցիոն հիվանդություններով, որոնց մոտավորապես կեսը սրտանոթային համակարգի հիվանդություններն են: Հենց դրա համար էլ սրտաբանների եվրակովկասյան համաժողովի կարեւորությունը բարդ է գերագնահատելը:

Սփյուռքի նախարարության Եվրոպահայ համայնքների վարչության պետ Հրաչյա Ասլանյանը NEWS.am Medicine-ի թղթակցի հետ զրույցում նշել է, որ գիտաժողովը կազմակերպվել է  սփյուռքահայերի նախաձեռնության շնորհիվ: 2007 թ. Ֆրանսիայում նրանք ստեղծել էին «Եվրակովկասյան սրտաբանների կոնգրես» կազմակերպությունը ու որոշել էին տարեկան երկու անգամ Հայաստանում հավաքել հանրահայտ սրտաբանների ու քննարկել սրտաբանության ոլորտի արդիական խնդիրները:

Ամեն անգամ այդ համաժողովներին մասնակցում էին Իրանի, Ռուսաստանի, Անգլիայի, Գերմանիայի ու Ֆրանսիայի լավագույն սրտաբանները, իսկ այս տարի ժամանել է նաեւ մեկ մասնակից Մոնակոյից:

Ինչպես նշել է Հրաչյա Ասլանյանը՝ գիտաժողովի նպատակն է նպաստել Հայաստանում սրտաբանության զարգացմանը եւ այնպես անել, որ արտասահմանցի բժիշկները կարողանան իրենց հայ գործընկերներին փոխանցել այս ոլորտի բոլոր նորություններն ու գիտելիքները:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է