Ձմռանը, տարածված կարծիքին հակառակ, օրգանիզմն ավելի շատ էներգիա է ծախսում, քան ամռանը, չէ՞ որ ամռանը պետք է ինքդ քեզ տաքացնել: Իսկ ինչպես է պետք սնվել սառը եղանակին օրգանիզմն ամուր պահելու համար: Այդ մասին իր կարծիքն է ներկայացրել դիետոլոգ եւ էնդոկրինոլոգ Հասմիկ Աբովյանը:
Ամռանը շատերը հիմնականում բուսակերական սնունդ են օգտագործում, նշել է մասնագետը, եւ սովորաբար նման սնունդը բավարար է լինում. Բանջարեղենն ու մրգերը օգնում են հովացնել օրգանիզմը եւ նրան շատ ջուր են տալիս. դա հենց այն է, ինչ մեզ պետք է ամռանը: Սակայն ձմռանը նման սնունդը մեզ բավարար չի լինի:
Ձմռանը, դիետոլոգի կարծիքով, ցանկալի է ավելի կալորիական մթերքներ ընտրել, որոնք օրգանիզմը կապահովեն տաքանալու եւ մարմնի ջերմաստիճանը պահպանելու համար անհրաժեշտ էներգիայով: Նման էներգիայի լավ աղբյուր են համարվում կենդանական ծագում ունեցող մթերքները` միսը, ձուկը, ձվերը: Լավ ընտրություն կլինեն նաեւ լոբազգիները, որոնք եւս հարուստ են սպիտակուցով:
Ընդհանուր առմամբ ամառային ուտեստները կարող են ավելի շատ կալորիա պարունակել եւ մի քիչ ավելի ճարպոտ լինել, քան ամառայինները, նշել է մասնագետը: Սակայն չարժե չափից շատ ուտել, չէ՞ որ ծախսված կալորիաներն օրգանիզմը պահպանում է ճարպային նստվածքի տեսքով:
Ինչ վերաբերում է հացին, ինչպես նշել է դիետոլոգ Հասմիկ Աբովյանը, ցանկալի է օգտագործել չզտված ալյուրից թխված հաց, այսինքն` վիտամիններով եւ միներալներով հարուստ մազմզուկներ պարունակող: Իսկ սպիտակ ալյուրից պատրաստված բարձրագույն կարգի սպիտակ հացը ոչ մի օգտակար բան չի պարունակում եւ չնայած օրգանիզմին էներգիա է տալիս, բայց նրանից առանձնապես օգուտ չկա:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր