• Latest news

2015-ին Երեւանում հարբեցողությամբ տառապող 2205 հիվանդ է գրանցվել

10 մարտի, 2016  16:40

2016-ի հունվարի մեկի տվյալներով Երեւանում հարբեցողությամբ տառապող 2205 մարդ է գրանցվել: 2014-ին նրանց թիվը 2094 էր: Այդ մասին լրագրողներին պատմել է հանրապետական նարկոլոգիական կենտրոնի դիսպանսերային բաժանմունքի վարիչ Արտաշես Թումանյանը: 

Հայաստանում հարբեցողությամբ տառապող մոտ 5000 մարդ է գրանցված, սակայն նրանց իրական թիվն ամենայն հավանականությամբ անհամեմատ ավելի մեծ է, ընդգծել է մասնագետը: Ճիշտ է, նույնիսկ 5000-ը բավականին մեծ թիվ է Հայաստանի նման փոքր երկրի համար, հավելել է նա:  

Ամեն տարի, ինչպես նշել է Արտաշես Թումանյանը, հարբեցողությամբ գրանցված հիվանդների թիվն աճում է մոտավորապես 200-250-ով: Ընդ որում, հարբեցողությամբ տառապում են սոցիալական լրիվ տարբեր կարգավիճակներով եւ հնարավորություններով մարդիկ` եւ աղքատներ, եւ հարուստներ: Նրանցից ոմանք մասնագետների մոտ են հայտնվում  լուրջ բարդություններով, որոնք զարգացել են հարբեցողության հետեւանքով, ուրիշներն ավելի շուտ են գալիս, մինչեւ որեւէ խնդրի առաջացումը:     

Հայաստանում հարբեցողությամբ տառապող տղամարդկանց թիվն անհամեմատ ավելի մեծ է, քան կանանցը, ընդգծել է Արտաշես Թումանյանը: Օրինակ, անցյալ տարի Երեւանում ընդամենը 64 կին է գրանցվել եւ ավելի քան 2000 տղամարդ: Ճիշտ է, կանանց շրջանում կան նույնիսկ ամուսնացած եւ երեխա ունեցած կանայք: Կան նաեւ ամուսնալուծվածներ կամ էլ հարբեցողության հետեւանքով  ընտանիքը կորցրածներ: Այս ախտորոշմամբ բժշկի մոտ հայտնված ամենաերիտասարդ կանայք մոտ 25-30 տարեկան են:

Ինչ վերաբերում է հարբեցողների շրջանում ամենատարածված ըմպելիքներին, մասնագետի խոսքով, առաջին տեղում օղին է, երկրորդում`գարեջուրը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է