26 տարվա ընթացքում ամերիկացի տղամարդու քաշն ավելացել է 6,8 կգ-ով, իսկ կանայք գիրացել են 7,7 կգ-ով: Միաժամանակ հասակը գրեթե չի փոխվել: Այդ մասին ասված է Հիվանդությունների վերահսկողության եւ կանխարգելման եւ ԱՄՆ-ի Դաշնային վիճակագրական համակարգի զեկույցում, հայտնում է HealthyDay-ը: Հետազոտությունն անցկացրել են փորձագետները Յեյլի համալսարանից դոկտոր Դեւիդ Կացի գլխավորությամբ:
Գիտնականների կողմից 2011-ից մինչեւ 2014 թվականը հավաքված տվյալների համաձայն, ամերիկացի տղամարդու միջին քաշն այժմ կազմում է 88,9 կգ, հասակը` 1,75 մ: Կինը կշռում է 76,7 կգ 1,6 մ հասակի պարագայում:
Նմանատիպ հետազոտություն է իրականացվել նաեւ 1988-1994 թվականներին: 26 տարվա ընթացքում ամերիկացի տղամարդու քաշն ավելացել է 6,8 կգ-ով, իսկ կանայք գիրացել են 7,7 կգ-ով: Միաժամանակ` հասակը գրեթե չի փոխվել:
Գիտնականները հայտնում են, որ առավել ինտենսիվ կերպով գիրանում են սեւամորթ տղամարդիկ եւ կանայք: Մասնագետների կարծիքով, մարմնի զանգվածի աճը նախ եւ առաջ կապված է ֆիզիկական ակտիվության ցածր մակարդակի եւ անառողջ սննդի հետ: