Մարդու մարմնում բջիջներ են հայտնաբերվել, որոնք ի վիճակի են կանգնեցնել քաղցկեղը եւ ՄԻԱՎ-ը
12:36 8 օգոստոսի, 2016Չինացի գիտնականները մարդու մարմնում հատուկ բջիջներ են հայտնաբերել, որոնք ի վիճակի են կանգնեցնել մահացու հիվանդությունները, այդ թվում` քաղցկեղը եւ ՄԻԱՎ-ը: Պեկինի համալսարանին կից Երրորդ ռազմական հոսպիտալի գլխավոր վիրուսաբան պրոֆեսոր Է Լիլինի հոդվածը հրապարակվել է Nature ամսագրում:
Է Լիլինը հայտնաբերել է, որ ինչ-որ վիրուսով վարակվելու դեպքում CD8+T բջիջները սկսում են հակավիրուսային ցիտոկին նյութն արտադրել, որը տեսականորեն ի վիճակի է ոչնչացնել վիրուսը, սակայն բջիջների արտադրած նյութի քանակը բավարար չէ: Չինացի մասնագետի կարծիքով գլխավոր խնդիրն է ցիտոկինի հիմքի վրա արհեստականորեն հակավիրուսային նյութ արտադրել, որն ի վիճակի կլինի հաղթահարել քաղցկեղը կամ ՄԻԱՎ-ը, գրում է «Սինհուան»:
«Հետազոտություններից մեր ստացած արդյունքները վկայում են, որ մարդու օրգանիզմն ի վիճակի է հաղթահարել քաղցկեղը եւ այլ վտանգավոր հիվանդություններ, հիմնական բարդությունն այն է, որ մենք նրան պետք է օգնենք դրանում, սակայն առայժմ չգիտենք, թե ինչպես անել դա», — լրագրողներին հայտնել է Է Լիլինը: