Նախարարությունը «Երեւան» ԲԿ-ի հակաճգնաժամային կառավարման մեջ իր խնդիրը չի տեսնում. նախարար
11:54 22 հոկտեմբերի, 2016Եթե «Երեւան» բժշկական կենտրոնում ստեղծված խնդիրների պատճառով հիվանդներն առանց բժշկական սպասարկման մնան, ապա առողջապահության նախարարությունը պարտավոր է նրանց համար համապատասխան բուժում ստանալու հնարավորություն ստեղծել: Այս մասին լրագրողների հետ զրույցում ասել է առողջապահության նախարար Լեւոն Այթունյանը:
Նա պարզաբանել է, որ առողջապահության նախարարության խնդիրը Հայաստանի 3 միլիոն բնակչության առողջության պահպանպան ապահովումն է: Նրա խոսքով՝ այդ խնդիրը կլուծվի «Երեւան» ԲԿ-ի հետ, թե առանց նրա՝ այն հարցը չէ, որ նախարարությանը հետաքրքրի:
«Եթե հիվանդը փողոցում մնա, մենք նրան կտեղավորենք եւ կսպասարկենք: Ինչ վերաբերում է «Երեւան» ԲԿ-ի հակաճգնաժամային կառավարմանը, ապա նախարարությունը դրա մեջ իր խնդիրը չի տեսնում»,- ասել է Լեւոն Ալթունյանը:
Հիշեցնենք, որ «Երեւան» բժշկական կենտրոնը նեկայումս չի աշխատում. պարտքերի պատճառով հիվանդանոցում անջատված է էլեկտրականությունը, իսկ նրա հաշիվների վրա կալանք է դրված: Հիվանդանոցի երկու համասեփականատերեր՝ Տարոն Տոնոյանը եւ հրապարակախոս Զորի Բալայանի որդին՝ Հայկ Բալայանը, ստեղծված իրավիճակի համար միմյանց են մեղադրում: