Ճողվածքների եւ ողնաշարային խողովակի ստենոզի վիրահատությունները բաց եղանակով եղանակով վիրահատությունները «Նաիրի» բժշկական կենտրոնում կատարվում են փոքր չափի կտրվածքով, որի ընթացքում կատարվում է միկրոդիսկէկտոմիա: Վիրահատությունները ավելի արդյունավետ դարձնելու համար խոշորացման նպատակով վիրահատության ժամանակ օգտագործվում է Leika M400-E մանրադիտակ կամ Easy go տիպի էնդոսկոպ: Այս վիրահատությունները համարվում են էկոնոմ՝ մատչելի են եւ տարածված:
Վիրահատությունից հետո կտրված մեջքի մկանների ֆունկցիան վերականգնելու նպատակով հետվիրահատական շրջանում հիվանդներին խորհուրդ է տրվում կրել ամրապնդող կորսետ, իսկ վիրահատությունից մոտ վեց ժամ անց սկսել զբաղվել բուժական ֆիզկուլտուրայով, որի շնորհիվ տեղի է ունենում մկանների ֆունկցիայի վերականգնում:
Բաց եղանակով վիրահատությունները ավելի շատ կիրառվում են ողնաշարային խողովակի ստենոզի դեպքում: Հետվիրահատական սպին ավելի նուրբ դարձնելու նպատակով վիրահատության ավարտին վերքը սոսնձվում է եւ ոչ թե կարվում:
Կրկնվող ճողվածքների, ողնաշարային խողովակի ստենոզի դեպքում կատարվող վիրահատությունների ժամանակ մոտեցումները նույնն են, սակայն հնարավոր է վիրահատությունը կատարել ողնաշարի իմպլանտավորմամբ, ինչն առավել է ամրապնդում ողնաշարի հենաշարժիչ ֆունկցիան: