5 մթերք, որոնք հագեցնում են եւ օգնում նիհարել
10:44 10 հունվարի, 2017Եթե ամանորյա արձակուրդներին մի քանի ավելորդ կիլոգրամ եք հավաքել, հիմա դրանցից ազատվելու ժամանակն է: Այդ հարցում ձեզ կօգնեն քաղցը հագեցնող եւ նիհարելուն նպաստող մթերքները:
Ձու
Սպիտակուցներով հարուստ ձուն գրելին քաղցի հորմոնի մակարդակի նվազեցման հաշվին հագեցվածության զգացողություն է ապահովում. հենց այս հորմոնի պատճառով ենք մենք քաղց զգում: Գիտնականների խոսքով՝ նախաճաշին ձու ուտող մարդիկ ամբողջ օրվա ընթացքում 438 կալորիա ավելի պակաս են կլանում, քան սննդակարգում ձու չօգտագործողները:
Խնձոր
Խնձորում մեծ քանակությամբ լուծվող մանրաթելեր կան, որոնք հաջողությամբ հագեցնում են քաղցն ու օգնում նիհարել: Հետազոտությունների համաձայն՝ օրական երեք խնձոր ուտող կանայք ավելի արագ են նիհարում, քան ընդհանրապես խնձոր չուտողները:
Լոբազգիներ
Լոբազգիները նույնպես հաջողությամբ հագեցնում են քաղցը, քանի որ դրանցում, ինչպես խնձորում, մեծ քանակությամբ մանրաթելեր կան: Բացի այդ՝ լոբազգիները ցածր գլիկեմիկ գործակից ունեն, ինչի շնորհիվ օգնում են վերահսկել գլյուկոզայի մակարդակն ու ածխաջրերի հանդեպ հակումը:
Բազուկ
Բազուկն ամենացածր կալորիականությամբ եւ առողջության համար օգտակար մթերքներից է: Այն մեծ քանակությամբ մանրաթելեր է պարունակում, ինչի շնորհիվ վերահսկում է ախորժակն ու նպաստում մարսողական համակարգի նորմալ աշխատանքին:
Սունկ
Գրեթե բոլոր սնկերը շատ քիչ քանակությամբ կալորիա են պարունակում, փոխարենը հարուստ են կալիումով եւ կարեւոր հանքանյութերով, այդ թվում՝ սելենիումով եւ նիացինով: Այս հանքանյութերն ապահովում են հագեցվածության զգացողությամբ: