Տարիքի հետ տղամարդկանց սեռական օրգանը փոքրանում է եւ ծռվում
23:41 11 հունվարի, 2017Տարիքի հետ տղամարդու սեռական օրգանը փոքրանում է, պնդում է ԱՄՆ Ջերսիի տղամարդկանց առողջության ինստիտուտի բժշկական գիտությունների դոկտոր Բրայան Սթեքսները։ Հետազոտողի խոսքով՝ տարիքի հետ օրգանիզմի առողջ բջիջները կորցնում են կոլագենը, ինչը հանգեցնում է մարմնի որոշ մասերի փոքրացման։
Բացի այդ, ծերանալու հետ մեկտեղ տղամարդկանց մեծ մասը ավելորդ ճարպ է կուտակում որովայնի շրջանում։ Իսկ մեծացած որովայնը վիզուալ փոքրացնում է սեռական օրգանը։
Բացի այդ, մասնագետը նշում է, որ տարիքի հետ տղամարդու սեռական օրգանը կորցնում է իր ուղիղ ձեւը, առաջանում է շեղություն։ Սթեքսները կարծում է, որ դրա դեմ գրեթե ոչինչ չի կարելի անել, քանի որ ամենօրյա գործունեության հետեւանքով տղամարդկանց մոտ առնանդամի երկայնքով սպիական հյուսվածք է գոյանում։
Հետազոտողն ասում է, որ բազմամյա բժշկական պրակտիկայի ընթացքում ինքն ուսումնասիրել է 60-70 տարեկան տղամարդկանց, որոնց անդամը հարցական նշան է հիշեցնում։
Նա տղամարդկանց խորհուրդ է տալիս խուսափել մերկ վիճակում արեւայրուք ստանալուց։ Դա կարող է հանգեցնել շագանակագեղձի եւ ամորձիների քաղցկեղի, հայտնում է Nation News–ը։