Ֆրուկտոզը սովորական շաքարավազի առավել վտանգավոր եւ վնասակար այլընտրանքն է. գիտնականներ

Ֆրուկտոզն առավել վտանգավոր է սովորական շաքարավազից։ Մրգերում եւ բանջարեղենում առկա ֆրուկտոզն անվտանգ է առողջության համար, սակայն ըմպելիքների եւ քաղցրավենիքի ֆրուկտոզը բարձրացնում է շաքարախտի, սիրտ-անոթային հիվանդությունների, կաթվածի եւ շատ այլ հիվանդությունների առաջացման հավանականությունը։ Այս մասին նախազգուշացնում են University of Barcelona-ի գիտնականները՝ American Journal of Physiology Heart and Circulatory Physiology պարբերականում հրապարակված իրենց ուսումնասիրությունում։

Պարզվել է՝ ֆրուկտոզով ջուր խմող կենդանիներն ավելի արագ են քաշ հավաքել, քան գլյուկոզայով ջուր խմող առնետները։ Ֆրուկտոզը նաեւ բացասաբար է ազդել նյութափոխանակության, անոթային համակարգի, լյարդի վրա։

Իրենց հերթին Վաշինգտոնի համասարանի գիտնականները նախազգուշացրել են, որ հղիության ընթացքում մեծ քանակությամբ ֆրուկտոզի գործածումը մեծացնում է ընկերքի խնդիրների առաջացման հավանականությունն ու դանդաղեցնում պտղի աճը։ Դա հետագայում ապագա երեխայի մոտ հասուն տարիքում կարող է նյութափոխանակության հետ կապված խնդիրների հանգեցնել։

Պետք է նշել նաեւ, որ մյուս բոլոր արհեստական քաղցրացուցիչները եւս վնասակար են։