Երեւանում տեղի կունենա Պարկինսոնի հիվանդությանը նվիրված սեմինար

Ապրիլի 7-ից 8-ը Երեւանում, «Կոնգրես» հյուրանոցի մեծ դահլիճում տեղի կունենա «Պարկինսոնի հիվանդություն եւ այլ շարժողական խանգարումներ» թեմայով սեմինար:

Սեմինարի ծրագիրը հաստատվել է ՀՀ առողջապահության նախարարի հրամանով, մասնակիցներին կշնորհվի ՇՄԶ 8 տեսական կրեդիտ, կտրվեն վկայականներ:

Սեմինարը կազմակերպված է «Շարժողական խանգարումների հայկական խումբ» ՀԿ-ի կողմից «Պարկինսոնի հիվանդության եւ շարժողական խանգարումների միջազգային միության» հետ համատեղ։