Նոր թեստը կարող է արյան խումբը որոշել 30 վայրկյանում
10:47 17 մարտի, 2017Այսօր արյան խումբն իմանալու համար հարկավոր է արյան անալիզ հանձնել, որի արդյունքները սովորաբար պատրաստ են լինելու հաջորդ օրվանից ոչ շուտ: Բայց շուտով դա հնարավոր կլինի անել ընդամենը 30 վայրկյանում:
Third Military Medical University-ից (Չինաստան) Հոնգ Ժանգն ու նրա գործընկերները նոր թեստ են մշակել, որի բջիջներում հակամարմիններ եւ գունանյութեր կան: Թեստի վրա հարկավոր է արյուն կաթեցնել, ինչից հետ ռեակցիա է սկսվում հակամարմինների եւ հակագեների միջեւ, որոնք որոշում են արյան խումբը: Արդյունքում որոշակի գույն է հայտնվում՝ նշելով հիվանդի արյան խումբը:
Թեստի հստակությունն ավելի քան 99.9% է: Դա հաստատվել է նաեւ արյան 3550 նմուշով փորձերի արդյունքում:
Մշակողների խոսքով՝ նման թեստերն օգտակար կլինեն, օրինակ, մարտական գործոողությունների ժամանակ, երբ մոտակա լաբորատորիան, ամեն դեպքում, հեռու է, իսկ արյան փոխներարկում անհրաժեշտ կարող է լինել ցանկացած պահի: Նման թեստերը հարկավոր կլինեն նաեւ հեռավոր շրջաններին, որտեղ արյան անալիզի եւ բժշկական այլ լաբորատորիաները մարդկանց հասանելի չեն:
Նոր թեստը վաճառքում կարող է հայտնվել արդեն 1-2 տարի անց: