Բարձրահասակ կանայք ավելի հաճախ են բախվում ուղեղի կաթվածի եւ սրտային անբավարարության խնդիրների

Բարձրահասակ կանայք ավելի հաճախ են բախվում ուղեղի կաթվածի եւ սրտային անբավարարության. 165 սմ հասակ ունեցող կանանց մոտ ուղեղի կաթվածի եւ սրտային անբավարարության վտանգը գրեթե երեք անգամ ավելին է, քան նրանց մոտ, ում հասակն ընդամենը 158 սմ է: Այս մասին հաղորդել են Գյոթեբորգի համալսարանի մասնագետները, որոնք ավելի քան 30 տարի տեւած հետազոտության ընթացքում 1.5 մլն կանանց տվյալներ են վերլուծել:

Գիտնականների խոսքով՝ բարձրահասակ կանանց սրտի խոռոչները, որոնցից կախված սրտի ռիթմը, որպես կանոն, ավելի մեծ են: Այդ պատճառով մեծանում է սրտի եւ անոթների հետ կապված խնդիրների առաջացման վտանգը: Բացի այդ՝ ռիսկի խմբում են այն կանայք, որոնց քաշը գերազանցում է 76 կգ-ը:

Սրտի եւ անոթների հիվանդություններից պաշտպանվելու համար մասնագետները բարձրահասակ կանանց խորհուրդ են տալիս քաշը նորմայի սահմաններում պահել:

Հիշեցնենք, որ ավելի վաղ գերմանացի մասնագետները հայտնաբերել են, որ յուրաքանչյուր 6.5 սմ հասակը 4%-ով մեծացնում է քաղցկեղի առաջացման հավանականությունը: Ամենայն հավանականությամբ, խնդիրն աճի ինսուլինանման գործոնի ակտիվացման եւ երկու ազդանշանային ուղիների մեջ է, որոնք կապված են քաղցկեղի որոշ տեսակների հետ, մասնավորապես՝ հաստաղիքի եւ կրծքագեղձի ուռուցքների: