Ռուս գիտնականներն արյան չոր փոխարինող են ստեղծել
17:01 19 ապրիլի, 2017Ռուսաստանի Կալուգայի մարզի գիտնականները ՊԱՄ-3 պատրաստուկ են մշակել, որն ընդունակ է մարդու օրգանիզմին օգնել մեծ քանակով արյան կորստի դեպքում: Արյան չոր փախարինողը կարող է կիրառվել մարտական վիրավորումների ժամանակ կամ արտակարգ դեպքերում: Այն լիարժեք փոխարինում է ցանկացած խմբի եւ ռեզուս գործոնի դոնորական արյան էրիթրոցիտներին՝ պահելու հատուկ պայմաններ չպահանջելով: Այս մասին նշված է Կալուգայի մարզի Առողջապահության նախարարության կայքում:
ՊԱՄ-3 պատրաստուկի մշակմամբ զբաղվել է Օբնինսկից ընկերությունը, որը մտնում է «Ակտիվ մոլեկուլների պարկ» բիոդեղագործական իրավասությունների դաշինքի կազմի մեջ:
Ներկայումս մինչկլինիկական փորձարկումներ են կատավել առողջ կամավորների մասնակցությամբ: Ստուգվել է օրգանիզմի վրա պատրաստուկի ազդեցությունը եւ դեղաբանական կինետիկան, նաեւ հաստատվել է դրա անվտանգ լինելը:
ՊԱՄ-3-ը համատեղելի է զանազան լուծիչների, ստանդարտ էլեկտրոլիտների հետ, բժիշկը չափաքանակը եւ խտությունը կարող է անհրաժեշտության դեպքում փոխել: Պատրաստուկի կիրառումը բացառում է արյան փոխներարկման ժամանակ ինֆեկցիոն հիվանդություններով վարակվելու հավանականությունը: