Ինչպես նիհարել նստակյաց կենսակերպի դեպքում
20:36 30 ապրիլի, 2017Նստակյաց աշխատանքի եւ քիչ շարժունակ կենսակերպի դեպքում նույնպես կարելի է մարմինն ավելի բարեկազմ դարձնել, կարծում է մասնագետը: Նիհարելու հարցերով փորձագետ Սքրիչթֆիլդի խոսքով՝ դրա համար անհրաժեշտ է մի քանի օգտակար սովորություններ ունենալ:
Բժիշկը մասնավորապես խորհուրդ է տալիս հետեւել սնվելու առողջ սկզբունքներին: Նրանք, ովքեր շատ են նստում եւ ակտիվ ֆիզիկական գործունեության վրա կալորիաներ չեն ծախսում, չարժի «արագ» ածխաջրերով հագեցած մթերքներ օգտագործել՝ թխվածքներ եւ քաղցրեղեն:
Սննդակարգի հիմքը պետք է կազմեն անյուղ միսը, ձուն, կաթնաշոռը, կաթնաթթվային արտադրանքը, ինչպես նաեւ բջջանյութի մեծ պարունակությամբ մթերքները՝ ըկուզեղեն, բանջարեղեն, թթվաքաղցր մրգեր, կանաչի: Կարեւոր է նաեւ բավարար քանակով սովորական ջուր խմելը, նշել է դիետոլոգը:
Դրանից բացի, Սքրիչթֆիլդը պնդում է, որ նստակյաց աշխատանքի դեպքում կարեւոր է ժամանակ առ ժամանակ շարժումներ կատարելը: Նման շարժումները նվազեցնում են նստած դիրքի բացասական ազդեցությունը եւ նպաստում կալորիաների լրացուցիչ այրմանը:
«Լավ կազմվածքը պահպանելու համար անհրաժեշտ է օրական գոնե 30 րոպե հատկացնել ֆիզիկական ակտիվությանը»,- ընդգծել է փորձագետը: