Քրոնիկական ռինոսինուսիտի ախտանիշները վերանում են ծխելուց հրաժարվելուց 10 տարի հետո. գիտնականներ
13:07 19 հուլիսի, 2017Քրոնիկական ռինոսինուսիտը սերտորեն կապված է ծխելու հետ, պնդում են Sinus Center at Massachusets Eye and Ear-ի գիտնականները: Otolaryngology - Head and Neck Surgery ամսագրում հրապարակված իրենց հետազոտության մեջ նրանք նշում են, որ այս հիվանդության ախտանիշները ծխողների մոտ սկսում են վերանալ ծխելուց հրաժարվելուց 10 տարի հետո:
Հետազոտողները վերլուծել են 206 մարդու բժշկական քարտերը, որոնք քրոնիկական ռինոսինուսիտով են տառապել: Արդեն հայտնի էր, որ ծխելը քրոնիկական սինուսիտ եւ ռինիտ է առաջացնում՝ խոչընդոտելով խոռոչներից լորձի արտահոսքին: Այժմ գիտնականներն ապացուցել են, որ եթե ծխողը ծխախոտից հրաժարվում է, նրա վիճակն ամեն տարի կբարելավվի: Իհարկե, հիվանդության ախտանշաններն ամբողջովին կանհետանան 10 տարի հետո:
Մասնագետներն ընդգծում են, որ քրոնիկական սինուսիտը կարող է զգալիորեն նվազեցնել դրանով տառապողի կյանքի որակը: Այս հիվանդությամբ տառապողների դեմքն այտուցվում է, շնչառության եւ քնի խնդիրներ են առաջանում, ինչպես նաեւ քթի շուրջ եղած գոտում ցավագին զգացողություններ: