5 խորհուրդ օստեոպորոզից խուսափելու համար
14:21 20 հոկտեմբերի, 2017Օստեոպորոզի հետեւանքով ոսկրերը դառնում են թույլ, փխրուն եւ հեշտությամբ կոտրվում են։ Նույնիսկ աննշան անկումը կամ հանկարծակի շարժումը կարող է բերել կոտրվածքի:
Օստեոպորոզը կանխելու, ուժեղ ոսկրեր կառուցելու եւ կոտրվածքներից խուսափելու համար մասնագետները խորհուրդ են տալիս.
- Կատարել պարբերական մարզանքներ
Նախընտրելի են քաշով, մկանները ուժեղացնող եւ հավասարակշռության վարժությունները։
- Սննդում ապահովել ոսկրային առողջության համար անհրաժեշտ բոլոր բաղադրիչները` կալցիում, վիտամին D եւ սպիտակուց: Արեւը վիտամին D-ի հիմնական աղբյուրն է:
- Խուսափել բացասական սովորություններից` ծխելուց եւ ալկոհոլ օգտգործելուց, պահպանել մարմնի օպտիմալ քաշը:
- Պարզել, արդյոք ունեք ռիսկային գործոններ եւ դրանց մասին տեղեկացրել բժշկին, հատկապես, եթե դուք նախկինում ունեցել եք կոտրվածքներ, հիվանդություններ կամ ընդունել դեղեր, որոնք ազդում են ոսկրային առողջության վրա:
- Ախտորոշվել եւ սկսել բուժումը: Եթե ունեք օստեոպորոզի բարձր ռիսկ, ապա պետք է սկսել դեղորայքային բուժում բժշկի հսկման տակ: