Կնոջ քթում ատամ է աճել

Չինաստանում բժիշկները հեռացրել են կնոջ քթի մեջ աճած ատամը։ The Daily Mail-ը հայտնել է, որ ուսումնասիրելով ռենտգենյան պատկերը՝ բժիշկները կարծել են, թե կնոջ քթի աջ խոռոչի մեջ փոքր քար է հայտնվել, սակայն վիրահատության ընթացքում պարզվել է, որ այդպես չէ։

Ուշագրավ է, որ հիվանդը երկար տաիներ գանգատվում էր առատ քթարտադրությունից ու արյունահոսությունից, սակայն համարում էր, որ այդ բոլոր ախտանշանները կապակցված էին քրոնիկ ռինիտի հետ։ Ատամը հեռացնելուց հետո արյունահոսությունը դադարել է։ Բացի դրանից, վերացել է  առատ քթարտադրության զգացողությունը, որից գանգատվում էր կինը։

Ատամնաբույժը պարբերականին բացատրել է, որ, իրոք, ատամներ կարող են աճել ոչ միայն բերանի խոռոչում, բայց քթի մեջ դրանց աճելու դեպքերը ծայրաստիճան հազվադեպ են։