Չիկագոյի Կուկի շրջանի հիվանդանոցի բժիշկները բախվել են կլինիկական զարմանալի դեպքի. խորհրդի եւ օգնության դիմած հիվանդի ստորին շրթունքի տակ իսկական սնկամարմին է աճել պզուկն անհաջող հեռացնելուց հետո:
Այս դեպքի վերաբերյալ հաշվետվությունը հրապարակվել է Journal of Emergency Medicine ամսագրում:
23-ամյա շինարարը մաշկաբաններին է ցույց տվել դեմքի ահռելի մորուքանման պալարը: Նա պատմել է, որ այն դեմքին է հայտնվել շրթունքի տակ հասունացած պզուկը սեղմելուց հետո, ինչի համար օգտվել է հյուսնի փոքրաչափ թիից:
Կատարված բիոպսիայով պարզվել է, որ պալարը սնկամարմին է՝ Blastomyces dermatitidis սնկերի գաղութ: Օրգանիզմում դրանց սպորի հայտնվելը տղամարդու մոտ մաշկային բլաստոմիկոզ էր առաջացրել: Դեպքի առանձնահատկությունն այն էր, որ մաշկային բլաստոմիկոզը չափազանց հազվադեպ է պատահում. ինֆեկցիան, որպես կանոն, ախտահարում է թոքերը: Բժշկական գրականության մեջ մինչեւ հիմա նկարագրվել է մաշկային բլաստոմիկոզի ընդամենը 50 դեպք՝ կապված վերքի միջոցով մաշկի մեջ ինֆեկցիայի հայտնվելով:
Բժիշկների խոսքով՝ Blastomyces dermatitidis սպորներն ավելի շուտ եղել են գործիքի վրա, որից օգտվել է հյուսնը, չնայած այս սնկերը սովորաբար հողի մեջ են բնակվում եւ փտող փայտի վրա: Զարմանալի է նաեւ այն, որ հյուսնը բժշկի դիմել է 7 ամիս հետո:
Նա դեռեւս ամբողջությամբ չի բուժվել՝ բլաստոմիկոզի բուժումը կարող է մեկ տարի տեւել: