Կրծքերը մեծացնելուց հետո ծխող կանանց պտուկները կարող են պոկվել
13:01 11 դեկտեմբերի, 2017Կանայք, որոնք ծխել են կրծքերը մեծացնելու վիրահատությունից թեկուզ մեկ ամիս առաջ, խիստ վտանգում են իրենց առողջությունը, պնդում են բժիշկները: Միչիգանի Պլաստիկ վիրաբուժության համալսարանից դոկտոր Էնթոնի Յունը հայտարարել է, որ իր պացիենտներից մեկը կորցրել է պտուկը, քանի որ կոսմետիկ վիրահատությունից առաջ չի դադարել ծխել: Պտուկները դարձել են մանուշակագույն, ապա՝ սեւ եւ վերջում՝ ամբողջությամբ պոկվել են: Այդ մասին հաղորդում է Daily Mail-ը:
Այդպիսի դեպքեր եւս մի քանի անգամ կրկնվել են: Մասնագետները պարզել են, որ դա տեղի է ունենում արյան թույլ հոսքի պատճառով: Պտուկներն ավելի մուգ գույն են ստացել եւ փաստացի դադարել են զգայուն լինել: Նմանատիպ դեպքերի 90 տոկոսը վերաբերել է այն պացիենտներին, որոնք վիրահատությունից թեկուզ մեկ ամիս առաջ ծխել են: Դոկտոր Յունը կարծում է, որ դա տեղի է ունենում, քանի որ ծխախոտի ծխում պարունակվող նիկոտինն ու ածխածնի օքսիդն արյունատար անոթներին ստիպում են սեղմվել: Ծխախոտն ազդում է «լարանի» պես, որի հետեւանքով պտուկը նեկրոզից մահանում է: Դրանից փրկել կարող են արյուն ծծող տզրուկները:
«Նույնիսկ եթե Ձեր բժիշկը լավագույնն է, եթե դուք ցանկացած վիրահատությունից առաջ եւ հետո ծխում եք, դա կարող է պատահել բոլորի հետ», - նշել է բժիշկը: Ծխող կանանց, կուրծքը մեծացնելուց հետո, անհրաժեշտ է բուժում անցնել, որի ժամանակ տզրուկները կսկսեն ծծել կանգ առած արյունը՝ անոթներին ստիպելով գործել սովորական ռեժիմով: Պրոցեդուրայից հետո մասնագետները խորհուրդ են տալիս ծխելը թողնել, հակառակ դեպքում հնարավոր է նաեւ, որ իմպլանտը պոկվի: