Մեծ Բրիտանիայում բժիշկները սխալմամբ հեռացրել են կնոջ կուրծքը (ֆոտո)
16:36 11 դեկտեմբերի, 2017Մեծ Բրիտանիայում բժիշկների սխալից տուժած կինը դեպրեսիայի մեջ է ընկել եւ փակել գեղեցկության սեփական սրահը: Բժիշկները հեռացրել էին 46-ամյա Մարիամ Յազդանիի կուրծքն այն բանից հետո, երբ նրա հետազոտությունները շփոթել էին մեկ այլ պացիենտի հետազոտությունների հետ, հաղորդում է The Sun-ը:
Կինը պատմել է, որ 2015-ին նա կրծքում գունդ է շոշափել եւ մամոգրաֆիա է արել: Հետո նրան ուղարկել են բիոպսիայի: Մարիամին կրծքագեղձի քաղցկեղ են ախտորոշել: Բժիշկները ամբողջությամբ հեռացրել են կնոջ կուրծքը, ապա վերականգնողական վիրահատություն են կատարել: Ութժամյա վիրաբուժական միջամտությունից եւ ստացիոնար բուժումից հետո, Մարիամը տուն է գնացել՝ վերականգնվելու:
Նրան հիվանդանոցից տուն են զանգել՝ ներողություն խնդրելու: Բժիշկները հայտնել են, որ պատահաբար շփոթել են հետազոտության արդյունքները: Դրանից հետո կինը ուժեղ սթրես է ապրել ու դեպրեսիայի մեջ ընկել, որի պատճառով հետո փակել է գեղեցկության իր սրահը:
Հիվանդանոցում խոստացել են, որ միջոցներ կձեռարկեն, որ նման պատմություններ այլեւս չկրկնվեն: Անգլիայի Առողջապահության ազգային ծառայությունն իր հերթին ընդունել է սխալը:
Հնարավոր է, որ Մարիամի վնասը կփոխհատուցեն: