Վրաստանում բժիշկները կնոջ որովայնից հանել են 25 տարի առաջ մոռացված պինցետը (ֆոտո)
20:00 15 դեկտեմբերի, 2017Վրաստանում բժիշկները պացիենտի որովայնից հանել են 25 տարի առաջ վիրահատության ժամանակ մոռացված պինցետը։ Այս մասին հաղորդում է «Ռուսթավի 2» հեռուստաալիքը։
Վերջերս մի կին է դիմել ուռուցքաբանին՝ լրիվ այլ գանգատներով: Մինչ վիրահատությունը, հիվանդը անցել է մագնիսա-ռեզոնանսային տոմոգրաֆիա: Այս ժամանակ էլ բժիշկները կնոջ որովայնում օտար մարմին են նկատել:
Ավելի ուշ պարզվել է, որ 25 տարի առաջ բժիշկները լեղապարկի վիրահատության ժամանակ այնտեղ պինցետ են թողել։
Պինցետը կնոջ մարմնից դուրս է հանել գինեկոլոգ, ուռուցքաբան Իրակլի Տոդուան։ Այժմ պացիենտը իրեն լավ է զգում։
Տոդուան լրագրողներին հայտնել է, որ միջադեպում հատուկ եւ արտառոց ոչինչ չկա: «Ցավոք, օտար մարմինները երբեմն մնում են մարմնի մեջ եւ դրա մասին հայտնի է դառնում վիրահատությունից հետո», - ասել է Տոդուան, եւս մեկ անգամ նշելով, որ պացիենտը լրիվ այլ գանգատներով էր դիմել:
Նա նաեւ ավելացրել է, որ այս տարիների ընթացքում կինը որեւէ անհարմարություն չի ունեցել եւ իրեն լավ է զգացել:
