2020 թվականին 500 հազար բրիտանացիների գենոմները օնլայն կհայտնվեն
11:57 10 հունվարի, 2018Մեծ Բրիտանիայի 6 դեղագործական ընկերություններ Biobank հասարակական նախագծի շրջանակում մտադիր են 2020 թվականին վերծանել 500 հազար բրիտանացիների գենոմը եւ ստացած տեղեկությունները համացանցում տեղադրել: Նրանց կարծիքով՝ սա գենետիկայի նոր դարաշրջան կբացի:
Նախագծի նպատակն է գիտնականներին եւ դեղագործական ընկերություններին հզոր գործիք տրամադրել հիվանդություններն ավելի լավ հասկանալու համար: ԴՆԹ տվյալները անանուն են, սակայն դրանց օգնությամբ գիտնականները կկարողանան հետազոտել ամենատարբեր խնդիրների հիմքը՝ դիաբետից եւ քաղցկեղից մինչեւ տեսախաղերից ու հեռուստադիտումից կախվածություն:
Մոտ ապագայում գիտնականները ծրագրում են յուրաքանչյուր կամավորի 20 հազար գեն ապակոդավորել: Նրանք չեն կարողանա ամբողջ գենոմն ապակոդավորել, սակայն հնարավորություն կստանան հետազոտել դեղարտադրողների համար առավել կարեւոր մասը. սպիտակուցների կոդավորման գենետիկ հերթագայությունը, որը համարվում է առողջական խնդիրների մեծամասնության պատճառը:
«Նոր գենետիկ հերթագայությունների վերծանումը նախագծի արժեքը 100 անգամ կմեծացնի դեղագործության եւ մի քանի տասնյակ անգամ կենսաբանության համար»,- նշել է Քեմբրիջում սրտի հիվանդությունների գենետիկան հետազոտող Սեք Կատիրեանը: